Shining Shining Carol in City

雖然已經係年廿九/三十…
但係我仲未執完野…^^”

執下呢樣又執下果樣…
不過我因為好為食…
執一陣又走去食瓜子! haha

好彩爸爸趕得徹返來食團年飯…
佢有時新年都要開工…好辛苦!

Edith 嚷著要買新衫過年…
我咪陪佢出去睇下衫囉!!! (10 pm)
其實今日都知道古巨基會黎…(屯門市廣場)
但冇諗過我地買完野之後咁好彩.

起初揀唔到個靚位…(只係側面既位置)
後來前排既人企到累走左…
我地竟然企左最前排!!! (頭位呀~lucky)

個 function 由 I love U Boyz 做主持…
聽左吳日言同 Juno 各自唱左 3 首歌…
(Juno 唱 Live 好好靚…鍾意聽 “耿耿於懷”)
仲有溫碧霞同洪欣幾個靚女既 fashion show.
最後終於等到基仔出來唱歌呀!!! 太興奮勒!!!

基仔俾隻狗仔 “索吻” 顯得好狠狽呀~
但係佢既反應真係好可愛又搞笑 ^.^

基仔唱左 “天才與白痴” 同 “勁歌金曲” 呀!!!
仲有…佢竟然走遍台下大派朱古力添~

由於我地企前排…一直默默等佢過來…
而後排既人又迫前黎…個鐵馬都差點俾推倒.
可以想像到我同妹妹俾人迫得好緊要…彎晒身.

基仔過來時又望唔到我喎…(少許失望啦)
但係我掂到佢隻手呀!!! Yeah~ 超興奮囉!!!
跟住仲攞埋財神既朱古力…簡直狗年行大運呀~

我今晚一定訓唔著…好鍾意好鍾意古巨基呀~~~

今日老細飛左 Singapore 過年…
而我亦請左假去元朗拜早年!

今年係我離開左律師樓第 4 個年頭…
足足 3 年我冇返過去探望高生高太.

高生係 Para Legal…我係佢 assistant.
係呢度我做左 2 個幾月…學左好多野!
起初高生成日鬧我做事太急進…
其實我只係緊張同有 d 騰雞姐~

隔左一個月後終於得到高生既認同…
慢慢佢仲視我如掌上明珠…好鍚我添!
我好多謝佢聘用我…令我由 Sales 轉做 Clerk.

無奈升左大學後…為左功課同上莊既野好忙!
唔單止冇機會返去探佢地…我連屋企都少返.
就係果種 “早出晚歸” 既夜生活令我冇晒時間.

記起 Suki 提過高生身體差左好多…(佢有糖尿病)
我見今年唔使上堂…只係返 Temp Job 姐…
我連 $ 都唔搵…就請假去探下佢地. 我係真心架!

點知…高生因為糖尿病病情惡化…
早於 1 年半前 ( Aug 2004) 與世祥慈. (我接受唔到事實)
律師樓亦於去年九月結業 (間 Office 荒廢左半年了)

我好嬲我自己…點解唔早 d 番去探佢地?!
點解我咁冇時間觀念呀?!
如果我 manage 得好 d 既…我咪有時間囉~

高生竟然係我離開左律師樓 2 年後離世…
枉佢當年咁鍚我教我咁多野…我好似忘恩負義咁!

我終於都明白到…
有 d 野係永遠都冇機會補償既…
呢件事已經成為我生命中一個遺憾!

突然間記起一篇網路文章…
“再忙，也要和你喝杯咖啡”
意思係…提醒 d 人幾忙都要見下 d 好友.

係呀~ 再忙都要見下你地…
只要堅持呢個信念…先唔會令自己再有遺憾!

公司終於都搬左新 office 喇~
新 office 好大又靚呀~ 仲好高呀~
有齊 conference rm + interview rm
仲有 pantry 同 lockers 呀~ 好細心!
唔同 team 分晒 partitions…
我咪係 admin dept 囉~ haha ^.^

老細整左張 duty list 俾我地呀~
yeah~ 終於都有唔同性質既野做!
嘻嘻~ 我仲可以接待 candidates.

今日我負責 unpack 文具同執野.
我要盡快將所有新工作做熟先!!!

以前係中銀大廈放工…

我一定遙望高聳既國金 (IFC)

haha…宜家唔使勒…
因為我坐係度都望到正國金!!! ^^
我係中環中心返工嘛~ 好興奮~

呢度真係好靚…仲有海景睇!!! ^.^
我真係好鍾意係咁高既大廈返工…

資料來源 - wikipedia

中銀大廈，是中銀香港的總部。 設計者為美籍華裔建築師貝聿銘。大廈樓高70層，樓高315米，加頂上兩桿的高度共有367.4米。建成時是香港最高的建築物，亦是美國地區以外最高的摩天大廈。外型像竹子的「節節高升」，象徵著力量、生機、茁壯和銳意進取的精神；基座的麻石外牆代表長城，代表中國。

中環中心是香港排行第四高的摩天大樓樓高346米，共地上73層，次於國際金融中心，中環廣場，中銀大廈。它位於中西區的皇后大道，大約於香港地鐵港島線的上環站與中環站之間，是土地發展公司上環重建項目。原址本來有花布街、化工行集中的同文街等特色街道。中環中心屬全鋼架建築，大廈並無混凝土核心。

聽日公司搬 office…今日狂執野…
有得郁動下好開心呀~ yeah~
其實我最鍾意執野架勒!!! haha

今晚係第一堂 Putonghua 呀~
逢 Tuesday & Thursday 晚上堂.
其實呢 d courses 唔計分…
只係俾 $ 讀囉~ 影響唔到成績~

雖然放工後有 d 累…但我堅持要讀.
我想畢業前好好裝備自己…(尤其 language)
講真…將來有 $ 都未必有時間進修啦!

上堂前收到永隆銀行既電話…
佢話我係佢精選既 client 推介意外保險.
今次我醒目左…問得好仔細先下決定既!
結果我都係買左…每月供款 $104

呢隻 insurance 唔同人壽保…冇儲蓄成份.
只係包意外引致既住醫費同醫生費 (跌打都計)
佢仲送我每年驗身優惠同 SOS 旅遊平安咭

呢幾年…我雖然有好多工作返又賺到 $
但係總會因為大病呀跌傷之類而洗番出去…
上次跌傷尾龍骨都洗左千幾蚊…好肉尺!

我計過度過…買個保險…有得 claim 番好 d.
當然用唔著個 insurance 最好啦~
損傷既野有 $ 醫都要受皮肉之苦! >_<
不過我每年有驗身優惠都抵番啦~ yeah~

今年既驗身優惠我打算送俾媽咪用.
媽咪年紀都唔細啦~ 身體又一直唔好…
平時仲好慳唔捨得睇醫生同驗身…

講真…今年搵 Perm 公司點都要我驗架啦~
到時過左 probation 咪有得 claim 囉! haha

踩足 5 日亞太 night work…
今日係第 6 日!!! 有工開就開心 ~^.^~

因為每日都係先返 Temp job…
後趕去中大返 Part-time…
我總係遲到半個鐘…(幸得沈生體諒)

最欣慰既係…有好友幫我留位!
唔止咁…大倫仲會買埋 bread 俾我食.
佢係唔收我 $ 架~ 我有點唔好意思~

幫我買左第一日…我話唔夠飽…
第二日佢竟然買多左一個 bread 俾我! haha
講真…你真係好細心好在意我講既野~
我真的好感動好慶幸有你呢個好朋友!!!

以後我返亞太都會叫埋你返…
有個伴就唔怕悶啦~ 又可以見多 d 面呀~

2006 年我地要俾心機賺多 d 錢呀!!! 同減肥…

今日老細去左新 Office 視察環境…
我地好 free 係公司傾閒計呀~yeah~

原來…原來…Gloria 同我同年架!!!
Oh~ my God!!! I can’t accept this truth.
人地已經碩士畢業仲係英國做左1年.
我? 我到宜家仲未學士畢業…真慚愧!

我足足慢左人地三年呀!!! 攞命呀~
遲入學1年…repeat 1年…asso 1 年…
我要幾時先追到呢個 time lag 呀?

為左 remedy 呢個 weakness…
我已經好努力搵唔同既 jobs 做.
數數下…我未畢業就做左 7 份工!
College : Tutor
Retail : Sales
Law firm : Clerk
Bank : Clerk
CU : Telephone Interviewer
CityU : Student Helper
Consultancy firm : Admin Assistant

雖然返工 occupy 左我唔少時間…
但係我仲可以 join 到無數既 activites.
我應該感到自豪嘛? 為左呢 d exp. ?
點解我仲係唔夠信心搵到份好工架?!

突然間…我覺得要走既路仲好漫長…
但係我細細個就已經煩呢樣愁果樣…
好似搵工咁呀…真係呢世都做唔完!

我要相信自己總有出頭既一日.
係咪我未夠老練 / 太急進想成功?!
定係因為唔鍾意 fall behind 既感覺?!

當然…能夠爭取到好既 entry level.
對我將來既 Career Path 有好大幫助!
可惜我仲係未 firm 到自己應該做乜…
HR 嘛? PR 嘛? Admin 嘛? CS 嘛? MKT ?

開左學第三日我先有堂需要上!
冇諗過連返學都食唔徹 Lunch…
昨日忙整理資料 apply BOA…
跟住又趕往奧運站中銀中心做 Test…
做住又遲大到返我第一堂 Seminar!
好充實好頻 “撲” 好疲累既一日!

到了今日…
我已經返左 1 星期 Temp Job.
咁就一個星期勒…我只係食過一次 Lunch.
今日仲樣衰到…個肚不停咁打鼓!!! >_<”
梗係啦~ 昨晚又冇食飯呀~
再係咁落去…唔係瘦呀…係殘呀!!!

點解會咁?!
呢個 week 返四日 Temp Job…
(星期三就返學)
晚上返足五日亞太 night work.
每日放工就飛奔去中大開工!

Lunch 已經食唔徹…
返中大邊食到 Dinner 架?! 得個包!

講左咁耐…呢 d 都係我 “羅黎” 既…

點解…點解我咁重視工作?!
唔忙既時候…我會覺得好唔自在!
到了忙得不可開交…我又覺辛苦!

我係咪唔正常呢?!
男仔事業心重係好事…
女仔事業心重就…(連我自己都唔知點講)

我身邊既好友已經習慣左一兩個月見我一次…
今日 PolyU Kenny 想約我食飯 (我估係 sell insurance)
我唔係有心推佢…因為我都 plan 左畢業後幫襯佢買份!
只係…我個 schedule 又 full 得 7788 喇~
佢咪話我係 “大忙人” 囉~ 唔忙都似 Carol 啦係咪?!

我等緊…一個人…
一個可以令我係百忙之中停下來既人!
一個可以令我放輕放心笑放心玩既人!

內心深處…那份不安既思緒又在蘊釀…
我仲係忘不了 hunting hunting hunting jobs~

同事 Pamela 好奇問我:
“點解你日日都咁早返工?”
我話我係屯門出來要預早 d…
Gloria + Pamela 感到好訝異呀!
問我點解唔搵番新界既工作…
咁我梗係答佢冇乜工種啦~
(主要 reason 係我唔鍾意)

我話我放工返 CityU 都好近嘛!
佢地又話我可以搵九龍既工作.
我話九龍都冇乜 opening 就到我…
加上我遲搵工…一月初先開始搵!

佢地又話…其實宜家都係一月初!!! ^^”
(咁又係…我真係好快搵到又返緊工)

講左咁耐…其實佢地係擔心我車費貴!
我話其實車費唔算貴…(反正都要出黎)
因為我仲有一份 Part-time 係中大…
佢地更加譁然…話沙田離中環好遠喎~

跟住…
佢地咪話 “咁香港九龍新界俾你玩晒啦”

haha…
Temp Job 係中環上班…(香港島)
返學返 CityU 係九龍塘…(九龍)
Part-time 就係沙田…(新界)
而我住係屯門…(都係新界)

以前返永享 (灣仔branch) 已經好開心 ^^
果時都幾渴望可以係中環返工…haha
今年終於都實現了呢個天真既想法!

我發現…我越黎越欣賞我老細! ^.^
唔夠 30 歲就做到 GM. (佢專業心好重)
操流利既英語同國語! 真係好勁!
(我最鍾意d 人 language 咁好)
人又高啦大隻啦~ 佢仲有去做 gym.
唔止咁…佢好有禮貌同 gentlemen 呀!
唉~ 偏偏咁好條件既人就早婚 >_<”
佢太太都好靚呀…睇到佢地好幸福囉~

唔知幾時輪到我呢?! haha (發緊夢)
我都想事業有成…我都想搵到好歸宿!

上星期一同 Suki (9/1/2006) 食飯…
我同佢講…我想做 “大長今”
佢好堅強好有毅力去實現夢想…
最緊要既係佢有個好老公欣賞同支持佢!

仲記得 Hanes 話好欣賞我…
佢覺得我為理想而努力不懈…
而佢就因為感情既事而作出唔少犧牲!

講真…冇拍拖既女仔…(以我為例 haha)
就以學業/工作來彌補生活上既空虛!
我都唔知過左人生幾份之幾…
一直以來…
爭取機會學野擴闊眼界係我最大目標!
好似 join 唔同活動…返唔同類型既工作…
呢個目標 (ever-learning) 真係終生事業.

不過…
或者到最後…甚至宜家我都有少少覺得…
女仔最終都係想搵到靠倚!
事業成唔成功都可能係其次.
Anyway 緣份呢樣野…可遇不可求! let it be.

今日呢篇日記見證我同小倫既偉大目標!
1) 一齊搵份好工
2) 搵個好老公
3) 同變靚d
哈哈哈

…仲有減肥哦!!! ~^.^~ 加油加油 Fighting!

每日都好似訓唔夠咁! >_<”
梗係啦~ 晚晚都睜大眼訓唔到…
都唔知係個枕頭訓得唔舒服…
定係潛意識記掛住搵工既事!

pass 唔到政府入職試媽咪有微言!
我知佢想我入政府做冇咁辛苦又搵多 d.
我唯有安撫佢…話人要往前看…
仲話我唔會為呢件事而頹廢!!! (根本唔值得)

雖然我點樣都搵唔到政府工既 26K
但係至少我都想俾個 target 自己搵 12K
我唔係 IT 系…搵到 10K 都已經好好架喇!
我擔心既…係可唔可以係 6 月返到 1st Perm.

其實我已經有計劃寫 solicited letter 求職…
暫定會係 2 或 3 月開始搵 Perm…
我已經鎖定左要先搵 listed companies…
如果搵到 MNC 就更好啦~ haha ^^”
可惜…到目前為止…仲未確定 apply 咩 post.
HR 嘛? Officer Trainee 嘛? Mkt Trainee 嘛?

連我自己都唔知點解要俾咁大壓力自己…
一日未搵到 perm 我覺得好冇安全感! 真的!

其實有時壓力都係一種推動力…
我會小心處理…亦唔想自己 overload…
古時有懸樑刺股…雖然我咩都唔係…
但係我有既係信念: 有志者事竟成! ^^