高生離世
今日老細飛左 Singapore 過年…
而我亦請左假去元朗拜早年!
今年係我離開左律師樓第 4 個年頭…
足足 3 年我冇返過去探望高生高太.
高生係 Para Legal…我係佢 assistant.
係呢度我做左 2 個幾月…學左好多野!
起初高生成日鬧我做事太急進…
其實我只係緊張同有 d 騰雞姐~
隔左一個月後終於得到高生既認同…
慢慢佢仲視我如掌上明珠…好鍚我添!
我好多謝佢聘用我…令我由 Sales 轉做 Clerk.
無奈升左大學後…為左功課同上莊既野好忙!
唔單止冇機會返去探佢地…我連屋企都少返.
就係果種 “早出晚歸” 既夜生活令我冇晒時間.
記起 Suki 提過高生身體差左好多…(佢有糖尿病)
我見今年唔使上堂…只係返 Temp Job 姐…
我連 $ 都唔搵…就請假去探下佢地. 我係真心架!
點知…高生因為糖尿病病情惡化…
早於 1 年半前 ( Aug 2004) 與世祥慈. (我接受唔到事實)
律師樓亦於去年九月結業 (間 Office 荒廢左半年了)
我好嬲我自己…點解唔早 d 番去探佢地?!
點解我咁冇時間觀念呀?!
如果我 manage 得好 d 既…我咪有時間囉~
高生竟然係我離開左律師樓 2 年後離世…
枉佢當年咁鍚我教我咁多野…我好似忘恩負義咁!
我終於都明白到…
有 d 野係永遠都冇機會補償既…
呢件事已經成為我生命中一個遺憾!
突然間記起一篇網路文章…
“再忙，也要和你喝杯咖啡”
意思係…提醒 d 人幾忙都要見下 d 好友.
係呀~ 再忙都要見下你地…
只要堅持呢個信念…先唔會令自己再有遺憾!
人大過左就要開始學習面對”生離死別”
老土d講句珍惜眼前人啦~
唔好自責啦, 你有佢心佢知ga la
你記著佢教過你的
咁佢已經好安慰ga la
Comment by 大倫 — February 1, 2006 @ 4:50 pm
拿，我應諾在此留言啦！
不過見到呢篇文我都忽發同感地想念起我的小學老師。我打算畢業的時候請佢黎香港，呢件事我想左好耐架啦！好想實現佢。希望佢老人家仲在世等到我畢業啦！
Comment by 三平 — February 2, 2006 @ 2:43 pm
re: 大倫, 你講得好o岩!
~~~珍惜眼前人~~~
再忙都要回家休息…
再忙都要約會朋友…
再忙都要保重身體…
我就係鍾意忙碌既女仔,
以後再忙都好…
都要珍惜我擁有既一切!
家人朋友健康樣樣都重要!
re: 三平, 你有守到諾言呀~
我等左你好耐架喇~ haha
你都好有佢心喎~
希望你夢想成真! ^.^
Comment by ShiningCarol — February 4, 2006 @ 3:11 pm