Shining Shining Carol in City

我既感冒反覆好下又差下…病足成個星期.
結果星期三我要 “早退” 上少一個鐘 Seminar.
而星期四晚又 skip 左普通話堂返左屋企休息.

最慘既係…病得咁嚴重…
Tue & Wed 仲要為國是會 sit counter 等人來投票…
一路 sit 一路發燒…又眼訓…
連 Ernest + Jeff (both 新莊) 都好 surprised 我坐係度.
其實…真係唔應該搵我做 EB…我又要返工呀~
慶幸既係…新莊都好 gd…佢地成功上莊我都安樂 d.
佢地好勁呀~ 26 票信任 1 票廢票…有三成投票率 ^^

Thur 阿 Pam 有事…我要返 full day.
約左幾位同事食飯…佢地帶我去蘭桂坊食 lunch.
d Thai food 好好味~ 多謝大家俾面我啦~
我都係第一次去蘭桂芳咋! 相當興奮 ^_<
不過我俾 Doris 取笑我:
What? You have never been to Lan Kwai Fong? Do you live in HK?

Fri 早到…同 Pamela 傾計好開心…
佢好照顧我…買左零食係 pedestal 一齊 share.
佢仲買左個 cushion 一齊用…好舒服! ^.^
老細心情又好…send email 叫我 “Have a nice weekend”
最開心既係…可以同大倫 & Jenny 去大圍食夜宵
有我鍾意食既蜆呀!!! 好好味~ haha…

Sat 同媽咪去左澳門…原來又隔左咁耐冇返去.
對上果次…係我帶團去搞 JointU Macau Ocamp.
最難忘既係… 同阿米三平佢地去 pre-trip 好開心!
唔知幾時…我可以再去澳門玩呢?!
如果再去既話…我想同大倫 + Jenny 過去呀~

Sun 陪媽咪飲茶…返左工之後冇時間飲…
之後又返 City 做野…點知冇帶學生證…好黑仔!
好彩…撞到嘉輝佢肯借俾我…Yeah~
而我好似做賊咁驚驚青青鼠左入去電腦室. haha ^^”

星期日…磅重…才知道瘦左 10 磅!!!
我第一個反應係…不敢相信事實.

呢個月返工又返學再返兼職…太操勞.
跟本食又食得唔多…又冇定時…
所以先會極速瘦身成功!!! 好驚人!!!

換來既係? 身體差左好多…
我昨日仲病重開唔到會…
今晚又發燒…頭重重…

手上仲有太多野想做未做…好忙呀~
好想 send email 同班仔女傾下計…冇時間!
好想同小甜莎莉伊迪芙食餐飯…冇機會!

今晚又發生左件事令我好嬲…
令我思索番咩係朋友既價值?!
其實係關於喬茜 (Josie) 既事…
我真係覺得佢唔識尊重我…
仲將我地既友情睇得好 “利益”
同佢做朋友好辛苦…我覺得好累!

好彩同曉瑩傾完個心舒服點…
無拿拿俾喬茜話我 “無賴”
你知唔知呢個詞語既嚴重性?!
我決定唔再容忍佢既無禮…
我真係唔需要有這樣既朋友!

每個人都有唔同既處理方法…
我選擇既…已經係我最能接受既方法喇~
我唔會同佢攤牌…你估大家仲細咩?!
我唔會搞到面左左…我只會 “忽略” 佢.

好耐都冇睇喬茜既日記…
睇到呢段:
北京之旅比杭州之旅沉悶, 可能是去年有我們的總領導卡路姐在, 只要她發號師令, 再加上相機一台, 其餘12人即往卡路姐那兒衝過去 (拍團體照), 所以去年的單人相較少, 群體照多的是….再加上raymond哥動用他的networking, 我們的確厲害; 今年少了這種熱鬧, 因為少了卡路+raymond。

曾經有段時間…
我覺得自己並唔係咁重要…
唔再係 Delta trip 組聚或 JOP-HRers 心中咁重要…
那是發晦氣既時候…就係我低潮既時候…

一直都知道…
係某些人/某些組合裏…我扮演好重要既角色!
我知道你地重視我…
而我亦知道我為你地帶來了歡樂! ^.^

上個星期日 (Feb 12) 再次同 JOP-HRers 聚舊.
果日同大家傾計真係好開心…
仲同 Vincent + Raymond + Ada 玩 “疊疊高”
形勢係 PSA 女仔 v.s. HRM 男仔…冇輸過! haha
Raymond 笑我成日 “修正” 又用兩隻手玩…(出茅招)
我知道佢兩個男仔讓我姐…但真係玩得好開心!!! ^.^

果次係杭州盪失路既瘀事…令我愛上左 Sofitel…
(上次去澳洲…我同何生勁想去住囉…可惜太貴)
因為呢件事太好笑…大家見親面都會提一提…^^”

我星期五出去土瓜灣 visit 又盪失路…唉~
我係條街狂跑左好耐…但原來跑錯街號…瘀爆!
跟住我太慌張喇~ 又唔想遲大到…結果搭的士.
個司機只係倒後兩三條街就到我要去既 centre. ^^”

唔知幾時我先唔會咁騰雞…唔會咁易盪失路呢?!
何生仲成日笑我…教 Geo 竟然唔識睇地圖!!! 唉~

可能就係呢 d 瘀野…我先會成為別人既開心果啦~

大家還記得有段時間我好消沉嘛?!

就係去年 10 月左右…
我同阿頭因為去唔到北京一事起衝突.
阿頭嬲到話 Blacklist 我添呀~
仲 threaten 話要向我 Dept complain…
我 down 左好長既一段時間…太震驚!

亦因為呢件事…令我自信心大跌…
可能之前太依賴 Rock…
想學到佢果套…然後搵份好工!
又因為 Rock 一向唔睇重我…
令我覺得自己冇乜 potential 搵到好工.

宜家我反而慶幸自己冇去北京…
因為呢個心結太沉重太深刻…
令我不得不花左好多時間…
足不出戶就係為左計劃自己既前路.

我成功係好短時間搵到份好 Temp Job.
又係學業成績上有好大突破…
令我一直抬唔起頭既 GPA 關口都跨過了.
我既自信心逐漸恢復過來…唔再睇小自己.

上次同國是新莊 social…
我已經做番以前既 “Social 之鬼” (大頭 B 俾我既稱號)
能夠大大方方同新莊傾計…
唔再係 “私私縮縮” 咁冇信心.
(講真…俾 Rock 鬧得多嚇得多…人都冇自信)
我覺得自己好有老鬼風範同光芒呀! ~^.^~

今日 Faculty Alumni Dinner 我表現都唔錯!
我成功引導我果圍既人 start discussion…
又同大家吹水搞下氣氛…絕冇 dead air 架~
仲同 Ian Holiday (Faculty Dean) 傾左好耐…
佢最後仲記得我個名添呀~ 勁呀~ 超開心!!!
最興奮既係可以同 Ian 影相…好靚仔呀佢~

又收到 DESA meeting 既 email notification
不過我唔會再去架喇…我唔想再見到 Rock.
而且我覺得我應該脫離佢…靠自己搵好工!
或者佢果套唔適合我…我有我既 style 嘛~ ^.^

越來越覺得 d 同事好鍾意我! haha

星期一病左冇返工…
第二日就有好多人問候我…

又因為 Valentine’s Day…
我特登買左朱古力請大家食!
老細問係邊個買架?! 我答佢左…
佢話我 “You are very nice!” ^.^
(我心諗…似你咁唔識做咩?!)

今日 Julien (靚仔法國人) 上來…
佢係黎搬走部 Coffee Machine…
咁我咪早點 send email 通知大家囉~
其中一句係咁既
“Pls enjoy the last cup of coffee”

Doris 話好鍾意我呢句喎…
而我都見到老細 check email 時偷笑!
我覺得我可以令到d 同事開心囉~ haha

好似今日部 Photocopier 壞左…
老細仲走過來幫我睇下咩事添! ^^”

As a whole…
係呢間公司剛好做左一個月喇~
得到同事既幫忙同愛護…
又得到老細既喜愛…
做既野都上手了…學到唔少野…
最開心既係日日練英語會話…gd.
我係呢間公司做得非常之開心!!!

突然記起 Martin’s exp (ICQ 網友)
所以特登 online 問佢意見! ^^

雖然我同 Chor 算不上咩關係…
但係我 feel 到有 d 野蘊釀緊囉~

唔知點解我返 City 既時間咁少…
但係總會係唔同地方同佢相遇…
佢又好熱情咁想約我食飯…
明知我係一個大忙人…
佢唔介意就我放學時間食…
就算等到 9 點幾佢都願意等…

咁樣代表乜野?
我地係有緣嘛?
佢對我有意思?

件事唔係咁簡單…
我希望佢唔係真的有意…
我唔介意同佢做好朋友!

同佢一齊既時候我唔係好自然…
有時又好似幾開心咁…會面紅…
我最害怕既係…我唔係鍾意佢…
我怕我將佢當成 JeanPlus…(佢同佢太似)

不過…就算唔係呢個原因…
我同 Chor 有太大差距…年紀 just one pt.
其實我唔想隨便俾機會人地…
因為我真係唔想令人地令自己受傷害!

Martin 話…
男仔細過女仔…雙方都冇安全感~
而且…男方會好大壓力 (一般大男人都會)
佢又提醒我…
“熱情過後….感情係需要多方面去維繫”

Martin 話…
朋友一定講冇所謂
但相處果個係你自己
你自己十五十六已經比左答案你~
冇話一定唔夾
但成功例子唔多~

佢打左個比喻:
其實 “當局者迷” 幾時都岩用~
就好似D師奶買左邊隻股票一樣, 一廂情願佢係最好
升硬, 係咁叫人跟….
但其實果隻股票係咪好到咁既程度,
係咪真係咁理智客觀分析到~
所以到最後就有”唔賣唔會蝕”呢D偉論..

Martin 講中左我既心聲添:
反而我覺得男仔係要保護女仔,
行既路要多個女方, 事事先可為女方設想~

~*~*~*~*~*~*~*~*~*~*~*~*~*~*~*~*~

講真…
我唔想自己照顧番佢…
我唔想佢搵咩工作都要我操心…
我只想有個大過自己既人教我…lead 我…
咁樣做女仔先唔會咁辛苦…我已經夠累!

佢安慰我…
出黎社會做事見多D世面
會更加了解自己要乜~

我相信…係不久既將來…我會遇到 Mr. Right.

近排的確有點煩惱…
當唔知搵邊個好時…
好彩還有阿拉丁! ^.^

同阿拉丁傾到凌晨 4 點.
好鍾意同佢傾計…
因為我相信有些話題…
係需要問下男仔意見!
男同女睇既角度好唔同!

我同佢講晒 Chor 件事…
有一個 point 我不得不承認…
就係男同女要成為知己之前…
唔多唔少都夾雜 d 男女關係!

阿拉丁又提到…
男仔對你真的時候是真的…
到了背棄的時候真的背棄!

我同佢呻…
我覺得個天對我唔公平!
因為事隔 2 年…
我仲係因為個衰人而耿耿於懷.
就係果次 sad exp 而唔敢去愛…

~*~*~*~*~*~*~*~*~*~*~*~

Chor 件事唔應該令我覺得煩既…
我應該開開心心同佢食餐飯囉!

過去的就要忘記…(JeanPlus)
要記住值得想念的. (uncertain)

我應該鬆綁自己…
就讓自己隨著心意找尋幸福吧!

想起小甜的一句話:
You deserve the best…

我就係我…我係陽光卡路呀~ ^.^

本來病病地想請病假架~
好彩我有返工咋! What’s special day!

我竟然係公司樓下撞到老細…
佢搭 Lift 時係咁聊我傾計…
佢話 Headquarter 又有個 Carol 好做得野…
所以叫親 Carol 既人 “must hire” 喎!!! haha

下午 3 點鐘…有個好靚仔既鬼佬搵我~
原來佢係 Coffee Machine 供應商派來…
我地係 Pantry 傾左好耐…佢教我點操作部機!
跟住我仲係 1st 試飲 Coffee…but too strong. (太濃)
之後成個 office d 人都來試飲…個個都好 relax.　

~*~*~*~*~*~*~*~*~*~*~*~*~*~*~*~*~*~

今晚係國是 16 屆既 consultation 呀~ 我係 EB 主席.
昨晚 call 左好多老鬼都冇乜反應…我 dn dn 地囉~
所以臨時急 call 三平同仲修過來陪我食飯呀! ^_^
咁好彩佢地得閒又俾面特登過來 CityU 相聚 haha

其實…今晚既 consult 反應都好 good 呀~
至少有 9 個老鬼 (Condor/Ronald/原人Joy/Leo/龍…)
仲有好多友校代表前來賜教…(HKU/CU/BU)

不過最開心同安慰既係…我班新莊好識 (乙水) 我!
佢地幾有台型…有 d 都幾靚仔又乖仔 look….^.^
key point 係佢地好有風度…又識同我 social…gd.

而我…亦都盡力去教佢地…俾好多 info + advice
好希望佢地 “國啟”…係 Andy 帶領下會務昌隆!

今日真係黑仔…
等左架 961 廿分鐘仲未到.

我計都計得出自己會遲到…
咪打電話俾 Pamela 交代聲.
佢係我既 Partner 黎架~
點知佢叫我唔使通知老細…
佢話所有人一齊去食飯未返!

就係咁…我遲到左 5-10 mins…
但係全公司冇人知 except Pam.
佢真係救左我一命…冇俾人鬧!
其實平時我一向都早到既… ^.^

我發現我同 Doris close 左…
暫時仲係同 Gally 冇乜兩句…
但係我同 Gloria 就好鬼鼠傾 intercom

今日製造左一個大笑話…好彩冇人發現!
事緣我打俾個 Coffee Machine 供應商…
我同 Eliza 講 “我老細話我地同個經理熟…所以應該拎到 discount.”
點知…電話筒傳來一句 “我咪係個經理囉!” (滴晒汗…haha)

老細好無聊呀~ 明明係我後面張台…
係都要人地用 email 同佢溝通…
咁對住個人講係咪好過對住部電腦呀?!

因為昨日唔小心將個粉盒整爛左…
所以今日要去買盒新既乾粉囉~

放左學同小甜行街街…有好多收穫!
我終於都做左 Shu uemura 會員喇~
買左一盒乾粉…
兩盒眼影…
一支眉筆…
一支 Eye Liner…
個 Sales 仲教左我好多化妝心得! gd.
佢仲好到請個 Artist 幫我收埋眉囉!

不過今晚最開心既係…
我買左支 Dior no. 323 既潤唇膏!
其實我係叫個 Sales 幫我配色既…
點知咁穚配左支咁 Special 既 no. 俾我.

之後我係 Taste 撞正 Hanes…同佢 bf.
咁我梗係即刻問個究竟啦~ 佢都認晒!
真係好掛住你呀~ 見到你開心就夠喇~
放心! PSA 大合照我梗預埋你同 Aletta.

~*~*~*~*~*~*~*~*~*~*~*~*~*~

原來小甜好眼厲…咁都俾你睇到! ^^”
你知道我諗緊乜同埋擔心乜架啦~
最搞笑既係無拿拿約錯日子食飯…唉!

到底…每次既相遇都是巧合嘛?!

諗起當初 Roy 話肯 zip 小甜既時間…
今日聽到有人咁同我講…值得開心嘛?!