備受關顧
返到公司…我彈去同 Gloria 傾計…
傾得好興起…都冇留意到老細返黎~
返去個位時…老細無拿拿叫我…
到我應佢時…佢只係笑又唔出聲!
唔通佢只係想同我 say hi ?! (好奇怪)
做做下野…佢無拿拿坐左係我隔離…
我知佢係度 back-up 緊個 database…
可能佢太無聊…竟然聊我傾計…(第一次)
佢問我幾時 exam…又問我使唔使溫書…
我咪答佢 5 月中先 exam…
宜家只係趕功課…仲有 4 月成個月溫書!
我好 firm 咁答佢…我話我 handle 得來既.
佢又係度笑…好似 suspect 我既能力咁!!
其實我都唔知佢心入面諗緊乜…
佢係度計算緊我幾時轉 perm 嘛?!
定係睇小我…話我唔讀書呢?!
我開始分析唔到佢係 “奸笑” 定係 “傻笑”
之後我部腦又壞左 print 唔到野…
我咪叫佢幫我睇下發生乜事囉~~
佢幫我搞掂完個 setting 後…
問我 print 幾多頁再幫我 select 埋…
嘩~ 突然間覺得佢真係好有細心!!!
我覺得佢今日心情超靚…
仲好有悠情走過來問我:
話兩張椅子咁近會唔會好迫…
我答佢唔會…佢就行開了…
跟住我追番佢叫佢簽名…
因為我拎漏左份 letter 俾佢簽…
原來佢坐左我果位做野時見到…
佢早就幫我簽番名但又唔出聲…
我話我聽日上堂要 present…
我都未講完…佢就 get 到我會遲返…
佢又係笑下話 It’s ok. ~^.^~
我唔會亂諗既…
因為佢太太都係同公司既…
而且我對己婚既男人冇興趣! haha
不過…我覺得自己好幸運…
佢對我比起其他女同事仲要好!
我開始好 enjoy 俾佢 take care…
當然我唔係話我鍾意佢…
我只係發現…
原來我都只不過係好普通既一個女仔!
(=> 鍾意俾人照顧 + 關心)
人同人既相處係相向的…
我好相信係因為我對人好…
人地先會對我好…(不是嘛?)
係呢間公司做左兩個月喇~
一直都做得好開心…^.^
因為有同事同老細既照顧!!!