姐妹情深
又到返學既大日子~
今日約左妹妹飲茶…
佢未去過城軒呀嘛…
我咪帶佢去見識下囉~ haha
第一次同妹妹兩個人飲茶…
佢要 present… 我咪去霸位先.
傾下食下咁又一個半鐘了~
教左我妹妹搵工要注意既野…
我妹妹唔算係好 smart 既人…
有時教完又要提佢 / 再教過…
但係我好佩服佢虛心受教 + 勤奮用功!
我成日都覺得佢呢類既人有福氣…
因為有我呢個家姐 “睇住” (照顧) 佢!
我都有一個家姐…
不過佢從來都唔擔心我~
因為我太硬正勒~ 乜都係自己搞掂!
由細到大都好獨立…
又因為面子…唔衰得…唔鍾意靠人!
放學一個人去左旺角行街…
點知撞到 S 同 Frankie 拍拖…
一句 “祝你生日快樂” + “多謝”
然後好似陌生人擦身而過~
但佢其實係我既………………
佢…已經唔再係小女孩…
唔需要我呢個家姐嘮叨!
我知道…我仲有未完成既責任…