失落失意
繼前晚係家姐面前忍唔住爆左出黎…
明明睇緊電視…我突然話唔想返工要辭職!
家姐俾我嚇親…但佢感受到我辛苦!
仲話屋企唔係等住我開飯…辛苦就辭職啦~
我真係好感動…因為家姐體諒我明白我!
呢幾日情緒 keep 住上上落落…多野諗左…
今晚又係莎莉面前 (MSN) 爆左出黎…unexpected
係因為媽咪唔准我返大陸渡假 (祈福新村)…
(多謝你話肯等埋我…但係我掃你地興喇~)
媽咪覺得我工又未搵到…剩係掛住去玩喎…=.=
我覺得好委屈…佢根本唔知道我付出左幾多!
我每日花超過 2 個鐘睇招聘廣告…
市場需要咩人…咩公司請緊人…我都記入腦!
有時為左整好份 CV…我挨到凌晨 4 點先訓.
由去年 9 月就開始搵工…一直好努力 send 信.
我自問比任何大學生都好努力亦都好上進…
點解你會睇唔到?! 我咁搏命搵 Temp Job 為乜?!
我都係想搵多 d 工作經驗…提升議價能力之嘛~
我個心好難過…想喊既力氣都冇!
人大了…擔子就重了…跟本身不由己!
人在變…環境也在變…
環境使人變…人卻改變不了環境…
快到不能自拔既地步…(不停咁工作)
就係我對三平講既一句話:
“我都唔知點解會咁…” (語帶無奈與哀愁)
原以為 ShiningCarol 既陽光快將暗淡無光…
多謝身旁一直關心我愛護我既人!!!
特別鳴謝以下三個好友:
收到小甜既 email…真係好感動!!! 你真係好細心~
同大倫好投契…而且大家有共同奮鬥既目標!
旭慧就係無論任何天氣 / 風浪都伴我走過既人!
對我黎講…只有兩首歌可以形容此刻既心情…
< <是你最重要>> + < <你是我信心>> ~^.^~
其實…
人生再失意…都不過係過眼雲煙~
我唔會執著…我要放眼未來! 卡路總有出頭天!
等我求其講D野。
尋晚發夢見到孫悟空！佢變做超級撒雅人之前要爆氣架！跟住我咪好似佢咁又爆氣咯！嘩好FREE呀~~~雖然起身成身濕晒(因為蓋左兩張被！出晒汗！)但係我好明白到生活裏面都要爆氣架！首先將埋身的壞事通通爆開，跟住，令自己變得又強又燿眼，之後一下氣功波，敵人就咁KO！YEAH!乜都解決到，乜都做到。
Comment by 三平 — April 17, 2006 @ 6:32 pm
carol,
見到你最近咁大壓力, 我都好唔開心.
我覺得保持心境開朗同埋自信係搵工o既必要條件, 信不信由你, 以上兩樣野, in 你o個個一睇就睇得到你有冇, 如果你都唔認同自己, 我係有競爭力架! 咁人地又點會請你呢?
不妨以一份要求比較低o既工作做起點, 再慢慢搵機會上位, 我記得兩年前我返到澳門第一份工, 6500蚊楂.
你講得岩, 要提升議價能力, 就要見得多o的, 識得多o的, 記住, 屋企唔係等住你開飯, 你仲有幾十年捱, 眼光放遠小小, 而家人工低o的, 真係冇咩所謂, 最重要係你可以o係每一份工之中學到野, 眼光放遠, 你就會發覺, 其實個天空仲係好大!
無疑, 香港的確係一個令人有好大壓力o既城市, 但相對, 有壓力, 人就有進步, 我相信, o係不久o既將來, 你一定會好掂的!
keep up the good work!
Comment by will — April 18, 2006 @ 9:27 am