Shining Shining Carol in City

今日係 16th 屆國是會幹事會既交職典禮…
新莊搞得好 grand 又得體~ 我好滿意呀~

其實呢幾日我好努力 call 老鬼黎捧場…
可惜好多都話唔得閒~ 有 d 放飛機囉~
冇諗過可以見到 BU 既阿昌…
我同佢熟到就好似佢係我既老鬼一樣!
我記得係佢同 BU-Tony 教我打麻雀

聽到阿成既一番話…令我好感慨!
佢既理念就係 “齊整上莊,齊整落莊”
我何嘗唔係呢?! 結果到今時今日…
(經過歲月洗禮) 我支莊先做到 “和氣收場”

新莊問我想玩咩活動…我話唱 K…
點知俾佢地取笑我
“唔知唱咩年代…係咪唱徐小鳳?!”

我發現屆與屆之間係有 Gap 存在…
可能係不久既將來…我就會消失了!

呢篇都唔知係 “日記” 定係 “週記”

其實我真係好鍾意寫日記…可惜冇時間…
呢排忙到死…呢個三月 (March) 只有 Harsh

黎緊一星期:
Mon - Consultation (Special issue)
Tues - PTH oral exam (Enhancing fluency)
Wed - Presentation (Special issue) + Consultation (Housing)
Thur - PTH oral exam (Business negotiation)
Friday - Presentation (Housing)

前兩日…有機會同 Byran 傾 ICQ…
以前大家一齊上莊…我係會長佢係內務副會長.
果時為左搞活動既事成日拗交…
一直只係工作夥伴…我同佢係冇可能做朋友.
後來搞左好大件事出來…佢辭職唔做 IVP
而我同佢都反晒面…我好驚佢…佢亦好討厭!

隔左咁耐…呢個人竟然同我講…
其實當年同我上莊佢係鍾意我架喎~
唉~ 我心諗…邊有人咁變態?!
鍾意人又要 “迫害” 人…所以我話佢得人驚!

anyway…我原諒左佢喇~ 乜都過去了!
結果大家可以做番朋友…世上冇絕對既敵人!
佢仲話: Carol 其實係一個好女仔,
只係太為一d 野打算 (佢指我咁摶命搵工), 忽略左自己…

估唔到…事隔兩年…大家都成熟左…
更估唔到既係…原來佢都算了解我…
ok 啦~ 多個朋友好過多個敵人! ~^.^~

上星期…做錯事…雖然都唔係咩大錯…
只係去左 HSBC 排隊排左兩個鐘…
最後我先發現原來有部入票機出到 receipt.
老細冇鬧我…佢只係覺得好笑囉~
佢真係乜都話 It’s ok. 我好感激佢! 佢真係好鍚我!

上星期…最開心…可以同旭慧食 Lunch. (SAT pm)
可以陪阿米食 Tea 又一齊食雪糕傾計 ^.^

好擔心莎莉…希望你同佢可以妥善處理問題! 支持你!

由於我極速瘦身…引起屋企人一連串既猜疑…
媽咪勸我去做 body check…下星期三出 report…
唔知自己係咪真係有大病?! 我唔嚇得架! =.=

大家還記得有段時間我好消沉嘛?!

就係去年 10 月左右…
我同阿頭因為去唔到北京一事起衝突.
阿頭嬲到話 Blacklist 我添呀~
仲 threaten 話要向我 Dept complain…
我 down 左好長既一段時間…太震驚!

亦因為呢件事…令我自信心大跌…
可能之前太依賴 Rock…
想學到佢果套…然後搵份好工!
又因為 Rock 一向唔睇重我…
令我覺得自己冇乜 potential 搵到好工.

宜家我反而慶幸自己冇去北京…
因為呢個心結太沉重太深刻…
令我不得不花左好多時間…
足不出戶就係為左計劃自己既前路.

我成功係好短時間搵到份好 Temp Job.
又係學業成績上有好大突破…
令我一直抬唔起頭既 GPA 關口都跨過了.
我既自信心逐漸恢復過來…唔再睇小自己.

上次同國是新莊 social…
我已經做番以前既 “Social 之鬼” (大頭 B 俾我既稱號)
能夠大大方方同新莊傾計…
唔再係 “私私縮縮” 咁冇信心.
(講真…俾 Rock 鬧得多嚇得多…人都冇自信)
我覺得自己好有老鬼風範同光芒呀! ~^.^~

今日 Faculty Alumni Dinner 我表現都唔錯!
我成功引導我果圍既人 start discussion…
又同大家吹水搞下氣氛…絕冇 dead air 架~
仲同 Ian Holiday (Faculty Dean) 傾左好耐…
佢最後仲記得我個名添呀~ 勁呀~ 超開心!!!
最興奮既係可以同 Ian 影相…好靚仔呀佢~

又收到 DESA meeting 既 email notification
不過我唔會再去架喇…我唔想再見到 Rock.
而且我覺得我應該脫離佢…靠自己搵好工!
或者佢果套唔適合我…我有我既 style 嘛~ ^.^

本來病病地想請病假架~
好彩我有返工咋! What’s special day!

我竟然係公司樓下撞到老細…
佢搭 Lift 時係咁聊我傾計…
佢話 Headquarter 又有個 Carol 好做得野…
所以叫親 Carol 既人 “must hire” 喎!!! haha

下午 3 點鐘…有個好靚仔既鬼佬搵我~
原來佢係 Coffee Machine 供應商派來…
我地係 Pantry 傾左好耐…佢教我點操作部機!
跟住我仲係 1st 試飲 Coffee…but too strong. (太濃)
之後成個 office d 人都來試飲…個個都好 relax.　

~*~*~*~*~*~*~*~*~*~*~*~*~*~*~*~*~*~

今晚係國是 16 屆既 consultation 呀~ 我係 EB 主席.
昨晚 call 左好多老鬼都冇乜反應…我 dn dn 地囉~
所以臨時急 call 三平同仲修過來陪我食飯呀! ^_^
咁好彩佢地得閒又俾面特登過來 CityU 相聚 haha

其實…今晚既 consult 反應都好 good 呀~
至少有 9 個老鬼 (Condor/Ronald/原人Joy/Leo/龍…)
仲有好多友校代表前來賜教…(HKU/CU/BU)

不過最開心同安慰既係…我班新莊好識 (乙水) 我!
佢地幾有台型…有 d 都幾靚仔又乖仔 look….^.^
key point 係佢地好有風度…又識同我 social…gd.

而我…亦都盡力去教佢地…俾好多 info + advice
好希望佢地 “國啟”…係 Andy 帶領下會務昌隆!

雖然昨日寫到個 GM 咁衰…
但係…佢最終請左我呀!!! ^.^

由於我暫時都係想搵 HR 工…
而呢份工咁 o岩係 recruitment consultancy firm
即係話…呢份工比起做 HRA 更有機會學到野!
所以…昨日 evening 收到 offer 已經 firm 左做!

其實今早都有一個 interview 係做 HRA…
本來決定照去 in 拎下經驗都好既…
但係起身時太累…天氣又凍…
所以我即刻 send email 同果邊 agent 講唔 in.
另外我亦補左個電話留言俾個 agent.
封信同個電話都好有禮貌同客氣既…
唉~ 我都知太遲通知人唔係太好架勒…^^”

一早又收到三平 (浸大國是會會長) 電話…
原來佢想介紹 Part-time 俾我…
haha…可能佢有睇我日記知我搵緊工!
呢 d 朋友真係唔話得…
我好開心識到佢…亦好珍惜我地既友情!

搵工 action 暫告一段落…
終於都搵到米飯班主養我半年呀~ haha
而且個 hr payment 係我 bargain 返來既!
好有滿足感! 勝利呀!!! Yeah~ ^^