Shining Shining Carol in City

今年係我廿 X 歲既生日…
雖然知道冇人同我慶祝…
因為我要返工仲要返學同趕功課!
但係我依然執得靚靚出門口

返到公司…收唔到咩驚喜…
老細只係同我握手講 Happy birthday!
其他同事今日才知情…
個水煲又壞左狂響要我處理 (灰爆)
我仲要押新同事既醋~ (唔要得)
原來佢識我同學 R 小姐…
跟 R 小姐及呢位新同事比…
我覺得自己有點無地自容~~ (唔可以失信心)

想電話響…面試也好…祝福也好…(冇乜)
曾經有一刻我同自己講:
就忘記今日係我既生日! (如常生活工作罷了)
咁樣自己就唔會失望唔會失落~

朋友我係好多…
當自己記得朋友既生日…
而朋友卻忘記自己生日…
個心好唔好受…

我好努力去安慰自己…
人大了總會善忘 d…而且工作都忙…
其實我唔係想收到咩禮物…
即使係一個電話 / 電郵 / 短訊都好…
都可以 show 到我係你地心目中既重要嘛!

323 對我一點意義都冇…
印象中…冇一年正日係過得開心唔孤單.

雖然係冇咩節目…仲好 rush 咁過…
但係…我都好想多謝一班 有心人!

一早起來收到大倫既 SMS + Edith 電話…
上班期間收到綺汶,曉瑩同小甜電話.
返學收到 DorDor 份禮物…
放學收到我最鍚既光仔電話…(等左好耐)
仲有係 Kiwi & Jenny 既問候同關心!
差點忘了…唔知係咪 G1 見我唔開心…
臨放工前買左個生日蛋糕 (乙水) 我~

數數下…其實自己都過得唔錯.
可能自己唔想再一個人過…
同時又因為有份功課要趕…
呢份功課令我訓少左…心又煩…

但願一覺醒來…再次見到陽光的我!

生日… 眨眼間又到我生日…
今年冇乜期望…因為過往有太多失望!

偏偏係我冇乜點 “宣揚” 既時候…
身邊關心我愛護我既好友記得我既大日子!

陸續有唔同組合既人 date 我呀~ 好期待哦~
Tue - PTH class
Wed - 大倫 (睇海景吹吹風)
Thur - PTH class (今日仲要上堂)
Fri - PSA 好友 (食飯聚舊)
Sat - Delta 仔女 (煮飯仔)
Sun - SCC 死黨 (玩轉南丫島)

冇諗過…
今日老細細細聲同我講 “Your birthday is coming”
我好 surprised ~ 真係冇諗過佢會記得架!
一直都知道老細好鍚我又照顧我…
我做左咁多份工…冇老細對我咁細心囉~
我聽到真係覺得好窩心 開心左成日!

唔知老細會唔會同我慶祝呢?! 有 d 期待…
但係佢對我越好…我越覺得內疚…
因為我決定離開公司…我怕我會心軟!

今日係組仔組女食團年飯既日子…
可惜…冇去年咁熱鬧喇~ 人數減半!

有幾個仔女屋企做白事黎唔到…
有 d 要去拜年…有 d 要返工…
連組爸都黎唔到…真係人丁單薄!

去年我地有 10 個人去青衣打邊爐…
仲去海旁吹吹風又影靚相~ so good.
今年簡簡單單留係 City Hall 5 食 pizza.
幾乎全部係 City 人…又得阿韜一個男丁!

阿韜今日頻頻望手錶…也許佢覺得好悶…
女仔比較 sensitive…大家都 feel 到佢唔開心!
我同曉瑩仲擔心係咪我地講錯話題…(搵工)
因為見佢都好憂心搵工既野…(真係好講唔講)

組聚解散以後…我同曉瑩詳談左好耐…
講既全部都係阿韜…我覺得佢變左少少啦~
也許我自己都改變左唔少…
唔知點解…我覺得同佢溝通唔到…
就係為左一次佢對我語氣唔好?!
定係隔左一年冇見大家感陌生?!

佢太忙喇~ 佢連幾分鐘既時間都唔俾我…
傾親 ICQ / MSN 都只係一句起兩句止…
令我覺得我阻佢時間…心裏真係唔好受!

講真…我好少打電話搵男仔傾計…(公事多)
我亦好少搵男仔呻呢樣呻果樣…(一定要好熟先搵)
咁我搵得你…就算唔係要你安慰我…
可能我只係想關心下你既近況姐…
我連幾分鐘既時間都唔值…真係心灰意冷!

阿韜都認識英倫…佢地兩個係同月同日生添~
我同英倫都好熟…英倫都好忙…但佢重情!
去年 X’mas 收到英倫既 SMS blessing 好開心!
做朋友就係有時你 (乙水) 下我, 我 (乙水) 下你.

阿韜未去 New Zealand 時…我地仲算叫 close.
even 佢係外地工作一年…我地仲有 email contact.
偏偏人在止尺時…人心就好似隔左一道厚厚既牆!

聽說佢係因為感情煩惱而失落既…
如果係咁…我更加幫唔上忙…亦俾唔到咩意見佢.
因為…我覺得自己係呢方面都係一個失敗者!!!

年又過年…咁又一年…
眨眼間…我又廿幾歲了!

唔使拜年都會逗到利是…
過年都冇乜特別既意義!

今年連竇牒都冇得擲呀~
真係冇氣氛…悶到發 mo!

終於等到年初四…開工呀!
可惜…老細仲係 Singapore…
佢老婆又唔派開工利是…
唉~ 好失望囉~ 人地咁期待…

到了年初五…
竟然係公司樓下撞到曉瑩!!!
佢係我以前交流團既組女…
其實佢又係返 Part-time…
我地竟然返同一幢大廈~ ^.^
真係好有緣…朋友就係咁!

佢主動 HI 我…
佢覺得我成個 Look 唔同晒!
haha…梗係啦~ OL 打扮嘛~

去年我跟朋友講…我要大變身!
佢地話咁樣要洗好多 $$$
Final yr 喇~ 唔執幾時先執呀?!
有咁既諗法…完全係因為搵工!　

雖然我唔係靠外表搵食…
我係靠我個腦同 exp 搭夠既 ^^
但係女仔執正 d…一定冇蝕底!

由依賴眼鏡 >>> 習慣配戴 con
由唔識化妝 >>> 日日化妝返工
由唔識襯衫 >>> 問人又模仿下

好想將一個騰雞急性子既人…(我)
變成一個高貴大方得體既女仔! 哈哈!

約左兩個組女唱 K…
上個 sem 忙到未唱過…
可惜 call 唔到男仔黎…冇男聲!
以前…有時都 call 到 kenny 或力行架!

咁o岩今日係 public holiday…
冇學生優惠…即係要加一囉!!!
唔止咁…仲衰到唔夠 2 個半鐘就趕客!

唉~ 我同 Jenny + Natalie 梗係唔夠喉啦~
大家都有點掃興…然後各自搵野搞囉!

我返左 City 搵阿米呀~ 送份生日禮物俾佢嘛!
跟住咪同佢食 tea 傾下計…然後去 shopping.

evening 就入番 City 整理 resume + covering ltr
好想快點搵到 Temp 或 Perm 呀~ 唔想 hea 日子!