Shining Shining Carol in City

繼前晚係家姐面前忍唔住爆左出黎…
明明睇緊電視…我突然話唔想返工要辭職!
家姐俾我嚇親…但佢感受到我辛苦!
仲話屋企唔係等住我開飯…辛苦就辭職啦~

我真係好感動…因為家姐體諒我明白我!
呢幾日情緒 keep 住上上落落…多野諗左…

今晚又係莎莉面前 (MSN) 爆左出黎…unexpected
係因為媽咪唔准我返大陸渡假 (祈福新村)…
(多謝你話肯等埋我…但係我掃你地興喇~)
媽咪覺得我工又未搵到…剩係掛住去玩喎…=.=
我覺得好委屈…佢根本唔知道我付出左幾多!　

我每日花超過 2 個鐘睇招聘廣告…
市場需要咩人…咩公司請緊人…我都記入腦!
有時為左整好份 CV…我挨到凌晨 4 點先訓.
由去年 9 月就開始搵工…一直好努力 send 信.
我自問比任何大學生都好努力亦都好上進…
點解你會睇唔到?! 我咁搏命搵 Temp Job 為乜?!
我都係想搵多 d 工作經驗…提升議價能力之嘛~

我個心好難過…想喊既力氣都冇!
人大了…擔子就重了…跟本身不由己!
人在變…環境也在變…
環境使人變…人卻改變不了環境…
快到不能自拔既地步…(不停咁工作)
就係我對三平講既一句話:
“我都唔知點解會咁…” (語帶無奈與哀愁)

原以為 ShiningCarol 既陽光快將暗淡無光…
多謝身旁一直關心我愛護我既人!!!
特別鳴謝以下三個好友:
收到小甜既 email…真係好感動!!! 你真係好細心~
同大倫好投契…而且大家有共同奮鬥既目標!
旭慧就係無論任何天氣 / 風浪都伴我走過既人!

對我黎講…只有兩首歌可以形容此刻既心情…
< <是你最重要>> + < <你是我信心>> ~^.^~

其實…
人生再失意…都不過係過眼雲煙~
我唔會執著…我要放眼未來! 卡路總有出頭天!

又到返學既大日子~
今日約左妹妹飲茶…
佢未去過城軒呀嘛…
我咪帶佢去見識下囉~ haha

第一次同妹妹兩個人飲茶…
佢要 present… 我咪去霸位先.
傾下食下咁又一個半鐘了~
教左我妹妹搵工要注意既野…

我妹妹唔算係好 smart 既人…
有時教完又要提佢 / 再教過…
但係我好佩服佢虛心受教 + 勤奮用功!
我成日都覺得佢呢類既人有福氣…
因為有我呢個家姐 “睇住” (照顧) 佢!

我都有一個家姐…
不過佢從來都唔擔心我~
因為我太硬正勒~ 乜都係自己搞掂!
由細到大都好獨立…
又因為面子…唔衰得…唔鍾意靠人!

放學一個人去左旺角行街…
點知撞到 S 同 Frankie 拍拖…
一句 “祝你生日快樂” + “多謝”
然後好似陌生人擦身而過~
但佢其實係我既………………

佢…已經唔再係小女孩…
唔需要我呢個家姐嘮叨!

我知道…我仲有未完成既責任…

不得不認老了…
隔左咁耐冇通頂…
昨晚為左趕起今日 present 既 ppt…
我好 “早” 先休息囉~ 6 AM

因為實在太頭痛…
我決定唔出席 9.30 既 consult.
但係我向左 tutor 同組員交代情況.

就係因為冇出門口…
我避過左今早屋企附近發生既…
五車連環相撞既交通意外!

一睇到 Yahoo News 既標題我好驚…
好驚案件重演…上次家姐又係咁撞車.
果次我驚到喊左出黎…事後俾家姐笑.
所以今日忙打電話問家姐細妹有冇事.

聽到 So 小姐既最新消息…
似乎件事都處理得唔錯!
有時好怕自己既意見影響到朋友既決定…
做朋友既…除左分擔你既憂愁外…
就只有祝福你! ‧°∴Eudemonia‧°∴

雖然已經係年廿九/三十…
但係我仲未執完野…^^”

執下呢樣又執下果樣…
不過我因為好為食…
執一陣又走去食瓜子! haha

好彩爸爸趕得徹返來食團年飯…
佢有時新年都要開工…好辛苦!

Edith 嚷著要買新衫過年…
我咪陪佢出去睇下衫囉!!! (10 pm)
其實今日都知道古巨基會黎…(屯門市廣場)
但冇諗過我地買完野之後咁好彩.

起初揀唔到個靚位…(只係側面既位置)
後來前排既人企到累走左…
我地竟然企左最前排!!! (頭位呀~lucky)

個 function 由 I love U Boyz 做主持…
聽左吳日言同 Juno 各自唱左 3 首歌…
(Juno 唱 Live 好好靚…鍾意聽 “耿耿於懷”)
仲有溫碧霞同洪欣幾個靚女既 fashion show.
最後終於等到基仔出來唱歌呀!!! 太興奮勒!!!

基仔俾隻狗仔 “索吻” 顯得好狠狽呀~
但係佢既反應真係好可愛又搞笑 ^.^

基仔唱左 “天才與白痴” 同 “勁歌金曲” 呀!!!
仲有…佢竟然走遍台下大派朱古力添~

由於我地企前排…一直默默等佢過來…
而後排既人又迫前黎…個鐵馬都差點俾推倒.
可以想像到我同妹妹俾人迫得好緊要…彎晒身.

基仔過來時又望唔到我喎…(少許失望啦)
但係我掂到佢隻手呀!!! Yeah~ 超興奮囉!!!
跟住仲攞埋財神既朱古力…簡直狗年行大運呀~

我今晚一定訓唔著…好鍾意好鍾意古巨基呀~~~

聽日公司搬 office…今日狂執野…
有得郁動下好開心呀~ yeah~
其實我最鍾意執野架勒!!! haha

今晚係第一堂 Putonghua 呀~
逢 Tuesday & Thursday 晚上堂.
其實呢 d courses 唔計分…
只係俾 $ 讀囉~ 影響唔到成績~

雖然放工後有 d 累…但我堅持要讀.
我想畢業前好好裝備自己…(尤其 language)
講真…將來有 $ 都未必有時間進修啦!

上堂前收到永隆銀行既電話…
佢話我係佢精選既 client 推介意外保險.
今次我醒目左…問得好仔細先下決定既!
結果我都係買左…每月供款 $104

呢隻 insurance 唔同人壽保…冇儲蓄成份.
只係包意外引致既住醫費同醫生費 (跌打都計)
佢仲送我每年驗身優惠同 SOS 旅遊平安咭

呢幾年…我雖然有好多工作返又賺到 $
但係總會因為大病呀跌傷之類而洗番出去…
上次跌傷尾龍骨都洗左千幾蚊…好肉尺!

我計過度過…買個保險…有得 claim 番好 d.
當然用唔著個 insurance 最好啦~
損傷既野有 $ 醫都要受皮肉之苦! >_<
不過我每年有驗身優惠都抵番啦~ yeah~

今年既驗身優惠我打算送俾媽咪用.
媽咪年紀都唔細啦~ 身體又一直唔好…
平時仲好慳唔捨得睇醫生同驗身…

講真…今年搵 Perm 公司點都要我驗架啦~
到時過左 probation 咪有得 claim 囉! haha

每日都好似訓唔夠咁! >_<”
梗係啦~ 晚晚都睜大眼訓唔到…
都唔知係個枕頭訓得唔舒服…
定係潛意識記掛住搵工既事!

pass 唔到政府入職試媽咪有微言!
我知佢想我入政府做冇咁辛苦又搵多 d.
我唯有安撫佢…話人要往前看…
仲話我唔會為呢件事而頹廢!!! (根本唔值得)

雖然我點樣都搵唔到政府工既 26K
但係至少我都想俾個 target 自己搵 12K
我唔係 IT 系…搵到 10K 都已經好好架喇!
我擔心既…係可唔可以係 6 月返到 1st Perm.

其實我已經有計劃寫 solicited letter 求職…
暫定會係 2 或 3 月開始搵 Perm…
我已經鎖定左要先搵 listed companies…
如果搵到 MNC 就更好啦~ haha ^^”
可惜…到目前為止…仲未確定 apply 咩 post.
HR 嘛? Officer Trainee 嘛? Mkt Trainee 嘛?

連我自己都唔知點解要俾咁大壓力自己…
一日未搵到 perm 我覺得好冇安全感! 真的!

其實有時壓力都係一種推動力…
我會小心處理…亦唔想自己 overload…
古時有懸樑刺股…雖然我咩都唔係…
但係我有既係信念: 有志者事竟成! ^^

um…呢排成日都訓唔著呀!
個枕頭訓得唔舒服…難以入睡囉!
搞到我昨晚要睇書 (睇 globalization)
睇到凌晨 4 點…累到死先訓到! >_< "

今日我終於都有機會同媽咪交代...
我講左政府入職試 fail 件事出來喇~
心情即刻輕鬆晒~ 放下心頭大石!!!
但係我知道媽咪佢係好失望呀~ >_<

我應承佢…明年再考過囉!
出年仲好啦~ 考唔到 AO 仲有 EO 嘛!

其實自從知道自己衰左 CRE …
我已經好努力搵工…
好想俾媽咪知道我係有盡力既!

今日 apply 左份工好得意架!
佢 send 左 DISC test 俾我做…
我都係 1st 聽到呢個名詞咋~
類似我地講既 Personality Test!

DISC privides a nonjudgmental language
for exploring behavioral issues.
It helps people improve interpersonal relationships
across four primary dimensions:
Dominance, Influence, Steadiness + Conscientiousness

sembreak 期間…
媽咪日日都叫我執野…
佢想我整理好個書櫃…

入左大學真係唔同晒!
以前中學…
俾旭慧笑我日日執書櫃!
宜家?
我係 CityU 既時間仲多過係屋企…
Notes 又多…
PSA 係要印咁多 reading 嘛!
堆埋堆埋一大疊…真係唔知點執!

最大既問題係…我冇心情執…
一日未搵到工…總係放唔低!

可能對得電腦太多…連時間都忘了…
竟然唔記得左今日係 Jenny 生日…:(
雖然前日送左禮物俾佢…卻係正日忘了 call 佢!

今晚係 ICQ 同 Amy 傾計好開心…^.^
佢聽日就飛去 Singapore exchange 喇~
原來我都好掛住佢!
可能之前並肩作戰左咁耐…
大家了解多左…感情深厚左!

好多謝佢安慰我:
天無絕人之路
你的努力, 神是知道的 ..
希望你早日有收成~

或者…我要睇下書…將注意力分散來減壓!