Shining Shining Carol in City

一畢業就入左大公司 CITIC…
做既係 Customer Service…
原以為自己一直鍾意做 CS 幫人既工…
但係一日收幾十個電話同幾百個 emails…
全是 complaints…真係睇到眼都突埋…累爆!
仲要越做越灰…無成功感…太 technical.
因為要追查因由…同 technician 夾野做.

結果做左一個 week…就即日 quit 走人!
走得真係相當洒脫…但係亦有內疚既時候~

搵左工個半月…
in 左好多好多唔同 industry / position…
收到幾個大公司 offers…(東亞/恒隆/希慎)
亦都 ject 左唔少 2nd interviews + offers…
左揀右揀…
真係有種 “跌左個橙, 但執到個西瓜” 既感覺!

今次呢份工…
條件比之前果份仲要好…
有 MT 人工
有 Mentor 跟我
仲有 structured training 俾我…
上司同事好到離晒譜…
個個 staff 對公司好有歸屬感…
每張桌上都有團隧合照…好 warm!

我覺得自己好幸福…亦都好幸運! 　
好多謝身邊一直陪伴我支持我既人 ^0^

今次…唔會咁容易放棄…
我真係覺得份工可以長做…
好想係度學野…想留係度發展!

多謝 Kerry 同莎莉既意見同關心…

我呢排的確諗到頭爆…
我都唔知自己想點…
我都知道自己五時花六時變…
連我自己都開始唔了解自己…
我跟本唔知自己想要乜 …
我有點迷失喇…
我覺得好累…
我真係想透下…
俾自己諗清楚到底想點…

我知道我係感情用事…
我知道我抑壓緊自己既意願…
放人地既感受係所有野前面…

終於 submit 左辭職信…
對我黎講總算係一個解脫!
我唔想再晚晚失眠…
我既憔慮無減少過…
我連食慾都無埋喇…

sem 完左…又係一個新開始!
I strive for a better beginning.

凌晨兩點見到組女阿琴 online…
同佢傾開近況…提起呢排搵工好大壓力!
佢講左兩句說話:
你唔好一個人谷得咁辛苦…
你始終都鍾意一個人面對所有野…

其實…每個人都有煩惱…
我唔想將自己既重擔加於別人身上!
況且講到前途…根本冇人可以幫到我!

呢排晚晚失訓…訓得唔好…

多左好多面試…你揀人 + 人揀你…
呢個世界邊有咁完美…係我太天真!
其實我只有三個要求:
1) 大公司
2) 我有興趣做既工作
3) 有 10 K
係咪我要求太高?! 每次面試都 struggle…

今日撞到一個我唔想見既人…Rock
佢話我消瘦左好多…(我地冇見 4-5 個月)
佢係我之前 training 既 counselor…
因為一件事我地反左面…其實有點可惜!
我有主動 hi 佢…卻換來冷淡既回應…so bad.
我話過我唔會靠佢既人際網絡都搵到好工! (一定會)

Augusta 又話我清減左好多嚇親佢喎~
唔知係咪因為壓力大唔想食野而減磅?!

繼前晚係家姐面前忍唔住爆左出黎…
明明睇緊電視…我突然話唔想返工要辭職!
家姐俾我嚇親…但佢感受到我辛苦!
仲話屋企唔係等住我開飯…辛苦就辭職啦~

我真係好感動…因為家姐體諒我明白我!
呢幾日情緒 keep 住上上落落…多野諗左…

今晚又係莎莉面前 (MSN) 爆左出黎…unexpected
係因為媽咪唔准我返大陸渡假 (祈福新村)…
(多謝你話肯等埋我…但係我掃你地興喇~)
媽咪覺得我工又未搵到…剩係掛住去玩喎…=.=
我覺得好委屈…佢根本唔知道我付出左幾多!　

我每日花超過 2 個鐘睇招聘廣告…
市場需要咩人…咩公司請緊人…我都記入腦!
有時為左整好份 CV…我挨到凌晨 4 點先訓.
由去年 9 月就開始搵工…一直好努力 send 信.
我自問比任何大學生都好努力亦都好上進…
點解你會睇唔到?! 我咁搏命搵 Temp Job 為乜?!
我都係想搵多 d 工作經驗…提升議價能力之嘛~

我個心好難過…想喊既力氣都冇!
人大了…擔子就重了…跟本身不由己!
人在變…環境也在變…
環境使人變…人卻改變不了環境…
快到不能自拔既地步…(不停咁工作)
就係我對三平講既一句話:
“我都唔知點解會咁…” (語帶無奈與哀愁)

原以為 ShiningCarol 既陽光快將暗淡無光…
多謝身旁一直關心我愛護我既人!!!
特別鳴謝以下三個好友:
收到小甜既 email…真係好感動!!! 你真係好細心~
同大倫好投契…而且大家有共同奮鬥既目標!
旭慧就係無論任何天氣 / 風浪都伴我走過既人!

對我黎講…只有兩首歌可以形容此刻既心情…
< <是你最重要>> + < <你是我信心>> ~^.^~

其實…
人生再失意…都不過係過眼雲煙~
我唔會執著…我要放眼未來! 卡路總有出頭天!

媽咪話今日係我既 special day…
真係 what’s a SPECIAL day 囉!!!

黑仔…超黑仔…
(雖然我好努力叫自己諗得 + ve)
昨日 full day work + night class…
仲要為 prepare interview 三點先訓.

結果…起唔到身…
差點連面試都遲到!
(仲要係村巴上化妝…too bad)

未入 interview rm 就聽到壞消息…
當場心情一沉… 冇晒心機…(凶多吉少)
in 完仲好串 request internal transfer…

跟本冇諗過 work in this company…
咁有 final round 梗係爭取最佳 option!

黑仔事件…一波未停一波又起~
我竟然同老細講講下英文…彈左兩個中文字!
Oh~ My God! What’s happening on me?
跟住就爆笑全場…連老細都笑埋一份! 唉~

全日最黑仔既…係我太匆忙冇拎到手提~
但係…呢個情況…一年最多出現兩三次!
偏偏就係撞正我既 SPECIAL DAY 囉~
人地話…主角係 SD 會有好運…
just my LUCK is black in colour!

下午收到電話…有 Final Interview !!!
但係…竟然 assign 我去咁既 position.
聽到之後…心灰意冷~ 冇晒心機~

臨收工時…俾老細 “的” 左入房…
曾幾何時有諗過向老細自薦轉 perm…
估唔到…今日佢主動俾個 offer 我!!!
我話我需要時間考慮下…
佢就話 “Just let you know the door is always opened”

係因為你鍾意我…所以先留我係你身邊嘛?!
但願你真係欣賞我既才幹先作出呢個決定!

當我問你 feedback 時…(因為我想改進自己)
你話我 outstanding! 好 smart 同埋 always come up with solutions…
仲有係做每樣工作都有 strong initiatives…又讚我有 honest face!

其實…可以俾我跟一個咁有魄力既人學野…
而你又真係對我好好…
的確令我心動唔知點做抉擇! (好 attractive)
我會留低…定係堅持要走?!
我仲唔能夠確定! 到時你又會點挽留我呢?!

2006 年第一份 perm 有 interview!!!
有 d 似 “忍” 者既感覺…
等了一關又一關…無錯呢個係第三關.

雖然係有 d “分豬肉” 既感覺…
但係有得去玩下都係好 gd 既 ^^
成敗係呢一刻對我來講唔重要.
可見得我亦唔係太重視呢份工.

總覺得…好工邊有咁容易搵到?!
卡路要再接再厲!!! Yeah~ ever shining.

值得記錄今日既心情…
係因為今日的確好彩同埋搞笑…

第一: 搭 Lift 時認識科大 Benny…有人同行! (好彩)
其實我唔太記得係邊層樓面試…
見到佢按 28/F…跟住我就聊佢傾計…
原來大家都係相同既 time slot. Yeah ^^

第二: 坐錯組別識錯組員 (瘀爆)
去到 waiting room…我發現我同 Benny 一組.
跟住我好開心呀~ 起碼算叫做 “相識”
點知?! 原來我坐錯組…今次瘀爆呀~ haha

第三: 同中大 Wilson + 港大 Nelly 一組 (慶幸)
錯有錯著…我同佢地一組…
佢地一個斯文乖仔 look…一個友善既靚女!
Wilson 好有 business sense…我幾欣賞佢! ^.^

第四: 被指定為正方進行 debate (好彩)
題目: 目前不是港府開徵銷售稅的良機
嘩~ 咁樣梗係正方好做好多啦~ Yeah~

第五: 可以再次做主辯 (興奮)
對上一次做主辯係以 PSA debate team…
同浸大既 GIS Dept 打比賽…CityU won!!!
上次我做主辯既表現好 gd…好有台型架 haha
不過今日既表現就差 d 喇~ not formal debate 嘛!

第六: 能夠同組員 keep contact (開心)
第一次體驗咁新穎既面試模式…
我以為 it’s ALL OVER…
點知 Wilson 提議交換 contact.
就係咁…識多兩個朋友仔! 好開心哦~ ^0^

2006 面試將會一浪接一浪…
It’s just the beginning! A good beginning!

大家還記得有段時間我好消沉嘛?!

就係去年 10 月左右…
我同阿頭因為去唔到北京一事起衝突.
阿頭嬲到話 Blacklist 我添呀~
仲 threaten 話要向我 Dept complain…
我 down 左好長既一段時間…太震驚!

亦因為呢件事…令我自信心大跌…
可能之前太依賴 Rock…
想學到佢果套…然後搵份好工!
又因為 Rock 一向唔睇重我…
令我覺得自己冇乜 potential 搵到好工.

宜家我反而慶幸自己冇去北京…
因為呢個心結太沉重太深刻…
令我不得不花左好多時間…
足不出戶就係為左計劃自己既前路.

我成功係好短時間搵到份好 Temp Job.
又係學業成績上有好大突破…
令我一直抬唔起頭既 GPA 關口都跨過了.
我既自信心逐漸恢復過來…唔再睇小自己.

上次同國是新莊 social…
我已經做番以前既 “Social 之鬼” (大頭 B 俾我既稱號)
能夠大大方方同新莊傾計…
唔再係 “私私縮縮” 咁冇信心.
(講真…俾 Rock 鬧得多嚇得多…人都冇自信)
我覺得自己好有老鬼風範同光芒呀! ~^.^~

今日 Faculty Alumni Dinner 我表現都唔錯!
我成功引導我果圍既人 start discussion…
又同大家吹水搞下氣氛…絕冇 dead air 架~
仲同 Ian Holiday (Faculty Dean) 傾左好耐…
佢最後仲記得我個名添呀~ 勁呀~ 超開心!!!
最興奮既係可以同 Ian 影相…好靚仔呀佢~

又收到 DESA meeting 既 email notification
不過我唔會再去架喇…我唔想再見到 Rock.
而且我覺得我應該脫離佢…靠自己搵好工!
或者佢果套唔適合我…我有我既 style 嘛~ ^.^

每日都好似訓唔夠咁! >_<”
梗係啦~ 晚晚都睜大眼訓唔到…
都唔知係個枕頭訓得唔舒服…
定係潛意識記掛住搵工既事!

pass 唔到政府入職試媽咪有微言!
我知佢想我入政府做冇咁辛苦又搵多 d.
我唯有安撫佢…話人要往前看…
仲話我唔會為呢件事而頹廢!!! (根本唔值得)

雖然我點樣都搵唔到政府工既 26K
但係至少我都想俾個 target 自己搵 12K
我唔係 IT 系…搵到 10K 都已經好好架喇!
我擔心既…係可唔可以係 6 月返到 1st Perm.

其實我已經有計劃寫 solicited letter 求職…
暫定會係 2 或 3 月開始搵 Perm…
我已經鎖定左要先搵 listed companies…
如果搵到 MNC 就更好啦~ haha ^^”
可惜…到目前為止…仲未確定 apply 咩 post.
HR 嘛? Officer Trainee 嘛? Mkt Trainee 嘛?

連我自己都唔知點解要俾咁大壓力自己…
一日未搵到 perm 我覺得好冇安全感! 真的!

其實有時壓力都係一種推動力…
我會小心處理…亦唔想自己 overload…
古時有懸樑刺股…雖然我咩都唔係…
但係我有既係信念: 有志者事竟成! ^^

雖然昨日寫到個 GM 咁衰…
但係…佢最終請左我呀!!! ^.^

由於我暫時都係想搵 HR 工…
而呢份工咁 o岩係 recruitment consultancy firm
即係話…呢份工比起做 HRA 更有機會學到野!
所以…昨日 evening 收到 offer 已經 firm 左做!

其實今早都有一個 interview 係做 HRA…
本來決定照去 in 拎下經驗都好既…
但係起身時太累…天氣又凍…
所以我即刻 send email 同果邊 agent 講唔 in.
另外我亦補左個電話留言俾個 agent.
封信同個電話都好有禮貌同客氣既…
唉~ 我都知太遲通知人唔係太好架勒…^^”

一早又收到三平 (浸大國是會會長) 電話…
原來佢想介紹 Part-time 俾我…
haha…可能佢有睇我日記知我搵緊工!
呢 d 朋友真係唔話得…
我好開心識到佢…亦好珍惜我地既友情!

搵工 action 暫告一段落…
終於都搵到米飯班主養我半年呀~ haha
而且個 hr payment 係我 bargain 返來既!
好有滿足感! 勝利呀!!! Yeah~ ^^