Shining Shining Carol in City

上個 sem 既爆燈戰績…
係呢一刻我冇信心拎到…

上個 sem 勁到係 Ray Yip 手上拎到 A
偏偏係呢個 sem…我冇晒把握…
唔係因為 Tutor…(Ray 咁難應付都搞得掂)
係因為我走晒 Housing 所有 Lectures…
就係為左返 “正職”

點解?! 我開始冇心機讀書…
係因為太累嘛?!
返學就好似 “副業”
返城大再感受唔到 “家” 既感覺!
我既打扮 + 我既思想 > 唔再係學生

小甜仲係咁信任我…
我唔希望令你失望!

但係…我真係有 Housing 恐懼症! 點考試?

今日係我地既大日子!!!
(小甜 + 莎莉 + 依迪芙 + 我)
我地終於可以四個人食 dinner ‘06~

新既一年…新既學期…
我地未試過齊人食過飯飲過茶…
係環境在變…心態都變了…
人情依舊…大家仲係好朋友 ~^.^~

呢個學期…
因為大家都讀少左…(依迪芙辛苦d)
所以冇乜機會見面…
呢排大家為搵工而忙碌…
心態上…搵工仲好似重要過讀書!
不過…好開心大家既話題仲係咁多…
希望將來畢業後…我地仲係咁 close!

同事問我做乜著得咁靚?!
其實我係特登執過先見大家既…haha
但係你地覺得我個 look 似 miss 呀~ ^^”
唔緊要~ 我自己覺得似高貴既 OL 咪得囉!
(旭慧話高貴同年紀掛鉤…應該係 “優雅”)

今晚我真係覺得好幸福同好好好開心 ^.^
坐係 EXP 同你地食飯傾計好舒服…
我第一次食鴨胸…好好味呀~
飯後大家仲叫左甜品…但原來…haha
好多謝大家俾個 surprise 我呀~
你地竟然為我準備左 “朱古力金字塔”

我將佢譯作 Chocolate Tower 好吸引…
就好似法國既 Eiffel Tower 咁…
入面仲有朱古力 Mousse…超好味哦!!!
今次係你地第二次送我朱古力蛋糕~
我真係好鍾意食朱古力…
因為朱古力帶俾人幸福既感覺嘛 ~^.^~

可惜無相為證…
不過今晚既快樂片段…印在腦海裏回憶!

今年係我廿 X 歲既生日…
雖然知道冇人同我慶祝…
因為我要返工仲要返學同趕功課!
但係我依然執得靚靚出門口

返到公司…收唔到咩驚喜…
老細只係同我握手講 Happy birthday!
其他同事今日才知情…
個水煲又壞左狂響要我處理 (灰爆)
我仲要押新同事既醋~ (唔要得)
原來佢識我同學 R 小姐…
跟 R 小姐及呢位新同事比…
我覺得自己有點無地自容~~ (唔可以失信心)

想電話響…面試也好…祝福也好…(冇乜)
曾經有一刻我同自己講:
就忘記今日係我既生日! (如常生活工作罷了)
咁樣自己就唔會失望唔會失落~

朋友我係好多…
當自己記得朋友既生日…
而朋友卻忘記自己生日…
個心好唔好受…

我好努力去安慰自己…
人大了總會善忘 d…而且工作都忙…
其實我唔係想收到咩禮物…
即使係一個電話 / 電郵 / 短訊都好…
都可以 show 到我係你地心目中既重要嘛!

323 對我一點意義都冇…
印象中…冇一年正日係過得開心唔孤單.

雖然係冇咩節目…仲好 rush 咁過…
但係…我都好想多謝一班 有心人!

一早起來收到大倫既 SMS + Edith 電話…
上班期間收到綺汶,曉瑩同小甜電話.
返學收到 DorDor 份禮物…
放學收到我最鍚既光仔電話…(等左好耐)
仲有係 Kiwi & Jenny 既問候同關心!
差點忘了…唔知係咪 G1 見我唔開心…
臨放工前買左個生日蛋糕 (乙水) 我~

數數下…其實自己都過得唔錯.
可能自己唔想再一個人過…
同時又因為有份功課要趕…
呢份功課令我訓少左…心又煩…

但願一覺醒來…再次見到陽光的我!

生日… 眨眼間又到我生日…
今年冇乜期望…因為過往有太多失望!

偏偏係我冇乜點 “宣揚” 既時候…
身邊關心我愛護我既好友記得我既大日子!

陸續有唔同組合既人 date 我呀~ 好期待哦~
Tue - PTH class
Wed - 大倫 (睇海景吹吹風)
Thur - PTH class (今日仲要上堂)
Fri - PSA 好友 (食飯聚舊)
Sat - Delta 仔女 (煮飯仔)
Sun - SCC 死黨 (玩轉南丫島)

冇諗過…
今日老細細細聲同我講 “Your birthday is coming”
我好 surprised ~ 真係冇諗過佢會記得架!
一直都知道老細好鍚我又照顧我…
我做左咁多份工…冇老細對我咁細心囉~
我聽到真係覺得好窩心 開心左成日!

唔知老細會唔會同我慶祝呢?! 有 d 期待…
但係佢對我越好…我越覺得內疚…
因為我決定離開公司…我怕我會心軟!

大家還記得有段時間我好消沉嘛?!

就係去年 10 月左右…
我同阿頭因為去唔到北京一事起衝突.
阿頭嬲到話 Blacklist 我添呀~
仲 threaten 話要向我 Dept complain…
我 down 左好長既一段時間…太震驚!

亦因為呢件事…令我自信心大跌…
可能之前太依賴 Rock…
想學到佢果套…然後搵份好工!
又因為 Rock 一向唔睇重我…
令我覺得自己冇乜 potential 搵到好工.

宜家我反而慶幸自己冇去北京…
因為呢個心結太沉重太深刻…
令我不得不花左好多時間…
足不出戶就係為左計劃自己既前路.

我成功係好短時間搵到份好 Temp Job.
又係學業成績上有好大突破…
令我一直抬唔起頭既 GPA 關口都跨過了.
我既自信心逐漸恢復過來…唔再睇小自己.

上次同國是新莊 social…
我已經做番以前既 “Social 之鬼” (大頭 B 俾我既稱號)
能夠大大方方同新莊傾計…
唔再係 “私私縮縮” 咁冇信心.
(講真…俾 Rock 鬧得多嚇得多…人都冇自信)
我覺得自己好有老鬼風範同光芒呀! ~^.^~

今日 Faculty Alumni Dinner 我表現都唔錯!
我成功引導我果圍既人 start discussion…
又同大家吹水搞下氣氛…絕冇 dead air 架~
仲同 Ian Holiday (Faculty Dean) 傾左好耐…
佢最後仲記得我個名添呀~ 勁呀~ 超開心!!!
最興奮既係可以同 Ian 影相…好靚仔呀佢~

又收到 DESA meeting 既 email notification
不過我唔會再去架喇…我唔想再見到 Rock.
而且我覺得我應該脫離佢…靠自己搵好工!
或者佢果套唔適合我…我有我既 style 嘛~ ^.^

因為昨日唔小心將個粉盒整爛左…
所以今日要去買盒新既乾粉囉~

放左學同小甜行街街…有好多收穫!
我終於都做左 Shu uemura 會員喇~
買左一盒乾粉…
兩盒眼影…
一支眉筆…
一支 Eye Liner…
個 Sales 仲教左我好多化妝心得! gd.
佢仲好到請個 Artist 幫我收埋眉囉!

不過今晚最開心既係…
我買左支 Dior no. 323 既潤唇膏!
其實我係叫個 Sales 幫我配色既…
點知咁穚配左支咁 Special 既 no. 俾我.

之後我係 Taste 撞正 Hanes…同佢 bf.
咁我梗係即刻問個究竟啦~ 佢都認晒!
真係好掛住你呀~ 見到你開心就夠喇~
放心! PSA 大合照我梗預埋你同 Aletta.

~*~*~*~*~*~*~*~*~*~*~*~*~*~

原來小甜好眼厲…咁都俾你睇到! ^^”
你知道我諗緊乜同埋擔心乜架啦~
最搞笑既係無拿拿約錯日子食飯…唉!

到底…每次既相遇都是巧合嘛?!

諗起當初 Roy 話肯 zip 小甜既時間…
今日聽到有人咁同我講…值得開心嘛?!

今日我放榜呀!!! haha…
上個 sem 既努力真係冇白費 ^^
我既 strategy 成功拉高 CGPA.

冇提早畢業…分散學分黎讀…
令到上個 sem 成績突飛猛進!
Year 1 Sem A 2.5
Year 1 Sem B 2
Year 2 Sem A 2.68
Year 2 Sem B 2.71
Year 3 Sem A 3.4 (終於過 3 )
係咪進步左好多呢?! hehe

我相信有奇蹟架! Miracle ^.^
下個 sem 我既目標…
梗係更上一層樓啦~

由 5/1 apply 果份工…
到 9/1 interview 兼出埋 offer…
呢個搵工紀錄 break my record.

今日第一日返工…
老細對我好好又好 gentleman.
佢介紹我俾其他同事識…
跟住帶我去 Reception 同佢地講我係新來既 Staff.
那個 Claren 仲即時遞上咭片…感覺備受高度尊重!
Shing 仲帶我遊 30/F…話我知邊度係 Pantry + Toilet.
佢真係好細心…好好既一位上司! ^.^

我既第一份工作…
send emails 數量係上千計…好多好多…
原來成日對住部電腦係咁累人!
整體黎講…工作好 simple + dull.
不過我相信…第一日返工係咁上下!
感覺已經 ok 過上回係永享 hea 到放工!

對呢份工作…
我感到好樂觀!
at least…係一個 English-speaking work environment.
我老細同佢太太都係 Singapore 人…
我條 team 有一個 French…
另外其他人都係外國讀完書返來既.
個個英文極好聽…總之返工就要 speak in English! cool~

唔止咁呀~ 老細仲型到要開住 music 開工…
咁當然全部係 English songs 啦~
我好相信我講得多聽得多 d 英文都會好左!

拿~ 從咁快搵到工…到考到咁理想既成績…
呢排真係體會到咩叫做 “稱心如意”
不過…呢 d 都係我付出左好多 effort 既成果!

sembreak 期間…
媽咪日日都叫我執野…
佢想我整理好個書櫃…

入左大學真係唔同晒!
以前中學…
俾旭慧笑我日日執書櫃!
宜家?
我係 CityU 既時間仲多過係屋企…
Notes 又多…
PSA 係要印咁多 reading 嘛!
堆埋堆埋一大疊…真係唔知點執!

最大既問題係…我冇心情執…
一日未搵到工…總係放唔低!

可能對得電腦太多…連時間都忘了…
竟然唔記得左今日係 Jenny 生日…:(
雖然前日送左禮物俾佢…卻係正日忘了 call 佢!

今晚係 ICQ 同 Amy 傾計好開心…^.^
佢聽日就飛去 Singapore exchange 喇~
原來我都好掛住佢!
可能之前並肩作戰左咁耐…
大家了解多左…感情深厚左!

好多謝佢安慰我:
天無絕人之路
你的努力, 神是知道的 ..
希望你早日有收成~

或者…我要睇下書…將注意力分散來減壓!