Shining Shining Carol in City

老細收到我用咁新穎既方法 (ecard) 請辭…
佢話我所做既係 touching gesture!
封信好 sincere…仲有我無盡既心思.

同事話老細係皮笑肉不笑既人…
偏偏我就見得最多佢既 smiles!

仲以為我既離開…佢會對我冷淡…
但係佢仲係對我好 kind…仲問我意見.

對於我既請求…
佢話 “I am more than happy to write you a ref. letter…”
我真係好感動!!! 真係好開心!!!

睇到封 ref. letter…
佢足足寫左兩版!!! 讚到我天上有地下冇…
佢真係當我係個寶 ( 用 valuable asset 來形容我)
佢衷心希望其他公司有幸可以請到我!
當中亦包含左佢既無奈與不捨 (挽留唔到我)

諗緊 last day 送咩禮物俾大家~
西餅係我最唔想送既…朱古力亦都太行喇…
我要親手整 d 小禮物盛裝住幸福同心意!!!

特別鳴謝: JOP-HRers 05 Raymond + Sandy
多謝你地俾左咁多 HR 既專業意見俾我!!!
雖然最後我仲係選擇左 quit…12K 既 offer 冇左 lu.
但係我冇後悔囉~ 錢唔係 The biggest concern!

我只係好唔捨得我班同事…終於都告別中環 OL 生活!

明明諗好幾時遞信…
訓教時又左思右想 / 輾轉反側…
我竟然落淚了!

我唔想老細唔開心…(驚佢請唔徹人)
更加唔想令佢難做…(一個月走兩個)
我又唔捨得班同事…(佢地好照顧我)

計緊日子…辭工都要擇日! (為老細諗)
準備善後工作…唔想難委 Pamela….

我好似…
為其他人著想多過為自己!
或者…
就係唔想令對我有期望既人失望吧!

遲 d 同老細 face to face 傾…
就當俾個機會佢…
俾個機會自己諗清楚…
我究竟係咪o岩做呢個 field (HR).

為何此刻…我竟然心軟?! 我到底想點?!

今日係 Gally 既 Last Day…
因為 Pamela 去左旅行…
我又返 Full day…專程 farewell 佢
以後冇左佢…公司一定少左好多笑聲!

今日好 free…公司得番 “自己人”
我地簡直係 “無枉管” hea 做又傾計.
原來冇老細係度真係好舒服好開心

無拿拿傾開 “睇相” …
Gloria 幫我地預測未來…
Joann 聽完好唔開心…唔想挨死一世!
Gally 就好鬼開心…好想快 d 唔使做!
而我? 聽得太多…冇乜感覺了…

原來…
大部份既女仔…
都好奇自己專唔專一?
將來有冇錢?
我就比較重視事業運! haha

講真…專唔專一問自己最清楚! 使乜睇掌~
話你有錢又好…冇錢都好…
咪又係咁過日子? 都係要努力賺返來嘛!
除了汗水…還要有智慧去計劃囉~

佢地話我未出來做野唔明白…
話女人有工作做只係 bonus…
仲話女人最大既幸福就係嫁人等人養!!!

唔知點解…我聽完後有 d 反感~

anyway…
靠 “睇相” 預測未來…
不如今天努力去掌控未來…仲實際! 對嘛?!

Gloria 話我知…
老細發左個 email 俾大家…
話自己想請我做 HRA…
請大家幫手 encourage 我
(即係 persuade 我留低啦)

有人話我好威 / 型…
難得個 GM 為我咁做!
更有人話藉此 bargain 多 d 人工!
但係卡路唔係一個貪錢既女仔…
我咁用心工作唔係為左虛榮同 $.

我係一個好有 planning 既女仔…
由小學開始我就識計劃條路點行.
就算要花光力氣我都要成就人生理想!

老細一點也不笨…呢招好高明!
別以為我會因為人際關係而留低…
對於老細既做法…我沒有感動…
只有失望…同埋 “扯火”

佢跟本冇盡力挽回我既信心…
只係識借助他人…勸我留低…
佢亦冇考慮過我既處境會變成點…
女仔最擅長就係嫉妒…
我唔要係成為老細心腹之前…
就先成為大家竊竊私語既對象!

係我眼中…呢 d 都係愚蠢行徑…
只會加快同堅定我離開公司既決定!

一句講晒…佢唔係一個有魅力既上司.
我唔再覺得可以係佢身上學到野囉!!! (走梗)

通宵冇訓…好彩今日個妝幾掂 (遮得幾好)
我又報左一個化妝班…追求更好化妝技巧!

有時我覺得…
化一個靚妝…就好似畫一幅靚畫!
人生都係一樣~ 要讓自己活得精彩!

今日揀左個….
同老細相隔十萬八千里咁遠既位做野…
主要原因係驚我釣魚時俾佢睇到

佢今日俾左份 legal doc. 我睇…
問我有冇接觸過呢類文件?! (滴汗)
我好自豪同佢講…我係律師樓做過架!!! (咪睇少我)

跟住佢又叫我送一份急件去入境事務署…
佢問我識唔識路去?! (又一滴汗)
我就答佢…我以前係果頭返工架!!! (咪再睇少我)

當我係 post office 返上去…
我見佢望一望我…我就醒目問佢 “Did you find me?”
佢即刻笑了…話係! (學識猜度老細心意)

我同老細之間…
建立左一份信任同獨特既溝通模式.
唔似其他同事…我一點都唔怕佢…

前往灣仔期間…我返左舊公司探同事…
預左 Manager 會留我係度做野…2nd Officer?
佢果句 “不會為他人作嫁衣棠” 提醒我!

最怕跟女上司…伴君如伴虎!
你永遠保證唔到下一秒你 (乙水) 得掂佢!
女人心海底心…你都咪話唔驚!
你可能要擦佢鞋…必要時候為佢食死貓!
總之每分每秒都要俾面佢…俾下台階佢!

男上司就唔同…(冇咁難服伺)
你有料…做野夠細心…交足貨就有人欣賞!

今年係我廿 X 歲既生日…
雖然知道冇人同我慶祝…
因為我要返工仲要返學同趕功課!
但係我依然執得靚靚出門口

返到公司…收唔到咩驚喜…
老細只係同我握手講 Happy birthday!
其他同事今日才知情…
個水煲又壞左狂響要我處理 (灰爆)
我仲要押新同事既醋~ (唔要得)
原來佢識我同學 R 小姐…
跟 R 小姐及呢位新同事比…
我覺得自己有點無地自容~~ (唔可以失信心)

想電話響…面試也好…祝福也好…(冇乜)
曾經有一刻我同自己講:
就忘記今日係我既生日! (如常生活工作罷了)
咁樣自己就唔會失望唔會失落~

朋友我係好多…
當自己記得朋友既生日…
而朋友卻忘記自己生日…
個心好唔好受…

我好努力去安慰自己…
人大了總會善忘 d…而且工作都忙…
其實我唔係想收到咩禮物…
即使係一個電話 / 電郵 / 短訊都好…
都可以 show 到我係你地心目中既重要嘛!

323 對我一點意義都冇…
印象中…冇一年正日係過得開心唔孤單.

雖然係冇咩節目…仲好 rush 咁過…
但係…我都好想多謝一班 有心人!

一早起來收到大倫既 SMS + Edith 電話…
上班期間收到綺汶,曉瑩同小甜電話.
返學收到 DorDor 份禮物…
放學收到我最鍚既光仔電話…(等左好耐)
仲有係 Kiwi & Jenny 既問候同關心!
差點忘了…唔知係咪 G1 見我唔開心…
臨放工前買左個生日蛋糕 (乙水) 我~

數數下…其實自己都過得唔錯.
可能自己唔想再一個人過…
同時又因為有份功課要趕…
呢份功課令我訓少左…心又煩…

但願一覺醒來…再次見到陽光的我!

生日… 眨眼間又到我生日…
今年冇乜期望…因為過往有太多失望!

偏偏係我冇乜點 “宣揚” 既時候…
身邊關心我愛護我既好友記得我既大日子!

陸續有唔同組合既人 date 我呀~ 好期待哦~
Tue - PTH class
Wed - 大倫 (睇海景吹吹風)
Thur - PTH class (今日仲要上堂)
Fri - PSA 好友 (食飯聚舊)
Sat - Delta 仔女 (煮飯仔)
Sun - SCC 死黨 (玩轉南丫島)

冇諗過…
今日老細細細聲同我講 “Your birthday is coming”
我好 surprised ~ 真係冇諗過佢會記得架!
一直都知道老細好鍚我又照顧我…
我做左咁多份工…冇老細對我咁細心囉~
我聽到真係覺得好窩心 開心左成日!

唔知老細會唔會同我慶祝呢?! 有 d 期待…
但係佢對我越好…我越覺得內疚…
因為我決定離開公司…我怕我會心軟!

媽咪話今日係我既 special day…
真係 what’s a SPECIAL day 囉!!!

黑仔…超黑仔…
(雖然我好努力叫自己諗得 + ve)
昨日 full day work + night class…
仲要為 prepare interview 三點先訓.

結果…起唔到身…
差點連面試都遲到!
(仲要係村巴上化妝…too bad)

未入 interview rm 就聽到壞消息…
當場心情一沉… 冇晒心機…(凶多吉少)
in 完仲好串 request internal transfer…

跟本冇諗過 work in this company…
咁有 final round 梗係爭取最佳 option!

黑仔事件…一波未停一波又起~
我竟然同老細講講下英文…彈左兩個中文字!
Oh~ My God! What’s happening on me?
跟住就爆笑全場…連老細都笑埋一份! 唉~

全日最黑仔既…係我太匆忙冇拎到手提~
但係…呢個情況…一年最多出現兩三次!
偏偏就係撞正我既 SPECIAL DAY 囉~
人地話…主角係 SD 會有好運…
just my LUCK is black in colour!

因為公司要搞 workshop…
我負責 contact diff. hotels

老細指定要搵 5 星級酒店…
打打下電話…都功多藝熟…
同 d Event Mgr / Sales Mgr / Catering Ser. Mgr 洽談!
詢價 + 講價 + 出 report 等…

just 1 task 已經 involve 好多 processes…
仲未計其他 routine 既工作…
每日都係 multi-tasking + gd time mgt

今日繼佢提出 offer 之後…
第一日覺得自己似 full-time staff.
除左今日我的確返 full day 外…
老細對我既 trust + (俾我) responsibility…
He just treats me as a normal staff (HRA)

我猶豫左一日…得出一個結論:
I am NOT going to stay long TOO!

下午收到電話…有 Final Interview !!!
但係…竟然 assign 我去咁既 position.
聽到之後…心灰意冷~ 冇晒心機~

臨收工時…俾老細 “的” 左入房…
曾幾何時有諗過向老細自薦轉 perm…
估唔到…今日佢主動俾個 offer 我!!!
我話我需要時間考慮下…
佢就話 “Just let you know the door is always opened”

係因為你鍾意我…所以先留我係你身邊嘛?!
但願你真係欣賞我既才幹先作出呢個決定!

當我問你 feedback 時…(因為我想改進自己)
你話我 outstanding! 好 smart 同埋 always come up with solutions…
仲有係做每樣工作都有 strong initiatives…又讚我有 honest face!

其實…可以俾我跟一個咁有魄力既人學野…
而你又真係對我好好…
的確令我心動唔知點做抉擇! (好 attractive)
我會留低…定係堅持要走?!
我仲唔能夠確定! 到時你又會點挽留我呢?!