結果做左一個 week…就即日 quit 走人!
走得真係相當洒脫…但係亦有內疚既時候~

搵左工個半月…
in 左好多好多唔同 industry / position…
收到幾個大公司 offers…(東亞/恒隆/希慎)
亦都 ject 左唔少 2nd interviews + offers…
左揀右揀…
真係有種 “跌左個橙, 但執到個西瓜” 既感覺!

今次呢份工…
條件比之前果份仲要好…
有 MT 人工
有 Mentor 跟我
仲有 structured training 俾我…
上司同事好到離晒譜…
個個 staff 對公司好有歸屬感…
每張桌上都有團隧合照…好 warm!

我覺得自己好幸福…亦都好幸運! 　
好多謝身邊一直陪伴我支持我既人 ^0^

今次…唔會咁容易放棄…
我真係覺得份工可以長做…
好想係度學野…想留係度發展!

同事話老細係皮笑肉不笑既人…
偏偏我就見得最多佢既 smiles!

仲以為我既離開…佢會對我冷淡…
但係佢仲係對我好 kind…仲問我意見.

對於我既請求…
佢話 “I am more than happy to write you a ref. letter…”
我真係好感動!!! 真係好開心!!!

睇到封 ref. letter…
佢足足寫左兩版!!! 讚到我天上有地下冇…
佢真係當我係個寶 ( 用 valuable asset 來形容我)
佢衷心希望其他公司有幸可以請到我!
當中亦包含左佢既無奈與不捨 (挽留唔到我)

諗緊 last day 送咩禮物俾大家~
西餅係我最唔想送既…朱古力亦都太行喇…
我要親手整 d 小禮物盛裝住幸福同心意!!!

特別鳴謝: JOP-HRers 05 Raymond + Sandy
多謝你地俾左咁多 HR 既專業意見俾我!!!
雖然最後我仲係選擇左 quit…12K 既 offer 冇左 lu.
但係我冇後悔囉~ 錢唔係 The biggest concern!

我只係好唔捨得我班同事…終於都告別中環 OL 生活!

28/4 - 旺角
約左 Suki 去朗豪坊食 din…佢話我著得好 “行” (斯文 OL look)
短短幾個月無見…你個 file 開左又 close…quite gd exp!
最羨慕既係…佢條橋又真係好得! gift + distance call (驚喜)

29/4 - 太子
同大倫慶祝生日…佢讚我又瘦左呀!!! haha
揀左一間環境唔錯野食都唔錯既地方食 din (太子冰室)
我地仲行左一圈金都中心…真係大開眼界~ 就咁睇已經好開心!

30/4 - 尖沙咀
約左友校會長聚會…可惜英倫有事來唔到 (我大半年冇見你喇)
好開心可以同三平 + 仲修去左尖沙咀食 din…傾左好多計呀~
最後仲去左諾士佛台飲野! 果度真係好有氣氛…下次要飲紅酒!

1/5 - 銅鑼灣
約左 PSA 三位知心好友去銅鑼灣食 din…可惜莎莉黎唔到.
我地揀左一間唔錯既樓上 Cafe 傾計…好 relax 好舒服!!! ^^
仲去埋發記 (Lucky Dessert) 食甜品…真係好好味呀~~~

2/5 - 又一城
曉瑩無帶傘…咁橋我係 CityU 咪 meet 佢食 din 傾計…
後來 Kiwi 過來 join 我地…真係傾得好開心!!! 太耐冇見了~
借左把傘俾佢地…我就歸家了…可惜屯門傾盤大雨…有傘都濕身!

4/5 - 旺角
曉瑩約左我同原人食 din…我太耐冇見原人喇~ 真係好開心! ^^
期間收到 Mavis 電話…我第一句就話 “我好掛住你呀”
真的…我都好掛住何生…好懷念我地係 wagga wagga (AUS) 既生活!

5/5 - 尖沙咀
約左 SIP 人唱 K (Vincent, Jim, Sandy, Tammy, Phoenix)
最搞笑係…我打俾何生話 “我盪失路呀~~~” haha 佢預左架啦~
有人點左 “死性不改” 呀~~ 但係我唱得好開心喎!!!

~*~*~*~*~*~*~*~*~*~*~*~*~*~*~*~*~*~*~*~*~*~*~

出來玩無錯可以散心…但係心情仲係好複雜難以放鬆! :\
時間多左…回憶番好多野…亦都可能係 stress 令我想搵 way out.

似乎…我有點眷戀回憶…為何還要在乎? 我已經好努力改造自己…

好想回覆 Will + 三平既留言…
其實心情最壞既時候過去了…唔使擔心我!
有你地既支持同關心真係好…我好感動呀!

當我發現身邊仲有唔少人真心為我設想…
我真係暖在心頭…記在心裏~
相反…亦有唔少現實既人…
將同我既 “朋友關係” 跟利益掛勾…
我唔會再俾你 (地) 容納係我既 “世界”
我唔需要咁樣既朋友…好人都有限度!

我真係好唔鍾意咁樣既朋友…
有事時搵我呻…快樂時唔見人!
相反…係我需要佢地既時候…
…係永遠搵唔到佢地架囉! :/

更複雜既抉擇 (resign) 都做了…前路有太多未知之數!
我唔會驕傲…亦唔會鬆懈…更唔會輕敵.

古語有云: 日有所思, 夜有所夢…
既然日 “無” 所思…為何夜有所夢?
係因為抑壓左好耐既情感/意識嘛?
原來我仲係耿耿於懷…
(又記起俾 Joe hurt 既經過…又喊了…)
突然聽番 “死性不改” 別有一番味道!
但係…每次聽番…就傷心多一次! 回憶係最折磨人!

~~~~~~~~~~~~~~~~~~~~~~~~~~~~~~~~~~~~~~~~

死性不改

戀愛就多障礙 死性我不想改
如我沒有你的愛 我沒法活得來
情人的存在 是我從來都志在
難在我拱手讓愛

再見了我的寵愛
誰願接受這種意外
你讚我天生可愛
不願看著我離開

同伴也話我傻 喜歡受挫
寧願情敵在傷我

人天生根本都不可以愛死身邊的一個
無奈你最夠刺激我 凡事也治到倒我
幾多黑心的教唆 我亦捱得過
來煽風來點火 就擊倒我麼

誰戀愛就多障礙 死性我不想改
如我沒有你的愛 我沒法活得來
情人的存在 是我從來都志在
難在我拱手讓愛

我怕可一不可再 難道你被愛都有害
我確信天真不會錯 威力會移山填海

同伴也話我傻 喜歡受挫
寧願情敵再傷我

# 人天生根本都不可以 愛死身邊的一個
無奈你最夠刺激我 凡事也治到我
幾多黑心的教唆 我亦捱得過
來煽風來點火 就擊倒我麼

誰戀愛就多障礙 死性我不想改
如我沒有你的愛 我沒法活得來
情人的存在 是我從來都志在
難在我拱手讓愛 #

repeat #

我呢排的確諗到頭爆…
我都唔知自己想點…
我都知道自己五時花六時變…
連我自己都開始唔了解自己…
我跟本唔知自己想要乜 …
我有點迷失喇…
我覺得好累…
我真係想透下…
俾自己諗清楚到底想點…

我知道我係感情用事…
我知道我抑壓緊自己既意願…
放人地既感受係所有野前面…

終於 submit 左辭職信…
對我黎講總算係一個解脫!
我唔想再晚晚失眠…
我既憔慮無減少過…
我連食慾都無埋喇…

sem 完左…又係一個新開始!
I strive for a better beginning.

其實…每個人都有煩惱…
我唔想將自己既重擔加於別人身上!
況且講到前途…根本冇人可以幫到我!

呢排晚晚失訓…訓得唔好…

多左好多面試…你揀人 + 人揀你…
呢個世界邊有咁完美…係我太天真!
其實我只有三個要求:
1) 大公司
2) 我有興趣做既工作
3) 有 10 K
係咪我要求太高?! 每次面試都 struggle…

今日撞到一個我唔想見既人…Rock
佢話我消瘦左好多…(我地冇見 4-5 個月)
佢係我之前 training 既 counselor…
因為一件事我地反左面…其實有點可惜!
我有主動 hi 佢…卻換來冷淡既回應…so bad.
我話過我唔會靠佢既人際網絡都搵到好工! (一定會)

Augusta 又話我清減左好多嚇親佢喎~
唔知係咪因為壓力大唔想食野而減磅?!

特登揀呢幾首歌不停咁播…寄情抒懷!
可能呢排壓力太大…下意識想逃避搵寄托吧?!
我開始諗起 Joe…諗起有佢既日子我有幾幸福.
雖然那種幸福只係 “童話” 式出現過一瞬間…
但係就令我好懷念果種俾人保護既感覺!!!
好似就算天快要榻下來…我都有人守候住咁!

我的親愛
作詞：劉卓輝　作曲：Noriyuki Makihara　編曲：盧東尼

其實仍然懷念你　溫馨的愛
在天色一黑會來到夢內
其實逐漸寂寞　還未有替代
仍是愛你　期望你又會不說自來
誰人能明白我　我將空虛掩蓋
讓悲傷憂鬱癡情沉默到現在
明白現實是現實　明白總有意外
誰料我已永不懂再別愛

你決心不再伴我嗎　深宵再勾起可否舊情復再
難道你覺得不算什麼　知否我今天再次悄悄獨自看海

Sayonara o Sayonara o 如忙忙匆匆的愛才現代
我沒法隱瞞　我未放開　但我卻繼續愛你　但你總不再理睬
Sayonara o Sayonara o 而為何心中總有情意在
你在心頭像永遠沒改變　是我的我的寶貝親愛

~~~~~~~~~~~~~~~~~~~~~~~~~~~~~~~~~~~~~~~~~

孤單的人孤單的我
作詞：向雪懷　作曲：Toshiyiki Tachikawa　編曲：蘇德華

孤單的人孤單一個　感覺不到夜美好
而遠我去的令我心煩燥　這個世界不好
令你令我多苦惱　美夢完了這時還有愛慕

孤單的人孤單一個　失去感覺是最好
何以再見總易惹起煩惱　盼你永遠都好
在你夢中輕鼓舞　我像迷失不懂你預告

△一時情　不能明　誰知道得不到那些是最好
一時情　不能停　許多一生一世等不到像某些△

▲孤單的人孤單一個　等這感覺是最好
而你我與他在世間無數　過去永遠都好
又等另一些苦惱　這是人生終於會遇到▲

Repeat △▲▲

莫再悲　這個世界不好　像有許多不知道
你願付出得不到回報

~~~~~~~~~~~~~~~~~~~~~~~~~~~~~~~~~~~~~~~~~

傻癡癡
作詞：向雪懷　作曲：Norlyuki Makihara

若你發覺我時常傻癡癡
望著你半醉半癡不懂說話等你示意
可會知你就是　像天邊一個仙子
若你愛上（發覺）我這個傻小子
活著你影子每天隱約乍現不遠處
是我想你將我重視　誰人最愛沒懷疑
相識當天心裡熱情已經開始
求求你珍惜此番心意它多采多姿
柔情如青空輾轉飄過動人我的歌聲
將你心悄悄灌醉甜蜜似詩

請明瞭　我心癡　情像是怒海翻波不是漣漪
每晚我都跟你夢中輕私語
言無盡　將不會停止
請明瞭　我心癡　能日後地老天荒因為傻開始
無掩飾只因我願對你真摯
愛我嗎？耐心等你願意

LA… LA… LA…

我唔想老細唔開心…(驚佢請唔徹人)
更加唔想令佢難做…(一個月走兩個)
我又唔捨得班同事…(佢地好照顧我)

計緊日子…辭工都要擇日! (為老細諗)
準備善後工作…唔想難委 Pamela….

我好似…
為其他人著想多過為自己!
或者…
就係唔想令對我有期望既人失望吧!

遲 d 同老細 face to face 傾…
就當俾個機會佢…
俾個機會自己諗清楚…
我究竟係咪o岩做呢個 field (HR).

為何此刻…我竟然心軟?! 我到底想點?!

今日好 free…公司得番 “自己人”
我地簡直係 “無枉管” hea 做又傾計.
原來冇老細係度真係好舒服好開心

無拿拿傾開 “睇相” …
Gloria 幫我地預測未來…
Joann 聽完好唔開心…唔想挨死一世!
Gally 就好鬼開心…好想快 d 唔使做!
而我? 聽得太多…冇乜感覺了…

原來…
大部份既女仔…
都好奇自己專唔專一?
將來有冇錢?
我就比較重視事業運! haha

講真…專唔專一問自己最清楚! 使乜睇掌~
話你有錢又好…冇錢都好…
咪又係咁過日子? 都係要努力賺返來嘛!
除了汗水…還要有智慧去計劃囉~

佢地話我未出來做野唔明白…
話女人有工作做只係 bonus…
仲話女人最大既幸福就係嫁人等人養!!!

唔知點解…我聽完後有 d 反感~

anyway…
靠 “睇相” 預測未來…
不如今天努力去掌控未來…仲實際! 對嘛?!

有人話我好威 / 型…
難得個 GM 為我咁做!
更有人話藉此 bargain 多 d 人工!
但係卡路唔係一個貪錢既女仔…
我咁用心工作唔係為左虛榮同 $.

我係一個好有 planning 既女仔…
由小學開始我就識計劃條路點行.
就算要花光力氣我都要成就人生理想!

老細一點也不笨…呢招好高明!
別以為我會因為人際關係而留低…
對於老細既做法…我沒有感動…
只有失望…同埋 “扯火”

佢跟本冇盡力挽回我既信心…
只係識借助他人…勸我留低…
佢亦冇考慮過我既處境會變成點…
女仔最擅長就係嫉妒…
我唔要係成為老細心腹之前…
就先成為大家竊竊私語既對象!

係我眼中…呢 d 都係愚蠢行徑…
只會加快同堅定我離開公司既決定!

一句講晒…佢唔係一個有魅力既上司.
我唔再覺得可以係佢身上學到野囉!!! (走梗)